Mizoram Christian College
1) September 12, 2024 (Ningani) khan Mizo, Public Administration leh Commerce Department-a zirlaite leh zirtirtute chuan Gauhati High Court-ah an zirlai atana pawimawh, Off-Campus Class an nei a. Zirlaite hian Justice Michael Zothankhuma leh Justice Kaushik Goswami ten Court Case an kalpui lai mek chu a hmunah an chhim a. Laldinpuia Tlau, Joint Registrar (Judicial) leh Julie Lalhlupuii, Deputy Registrar (Judicial) ten MCC zirlaite chu High Court kalphunga an hriat tur hrang hrangte an lo hrilh a ni.
2) September 16–20, 2024 chhung khan College Week vawi 4-na neih a ni a. College Week hi hmun hrang hrang – Electric Veng Indoor Stadium, Synod Conference Centre, Chite Football Ground leh Dawrpui Multipurpose Hall-ah te hman a ni a, zirlaite chu Indoor leh Outdoor Sports Discipline hrang hrang hmangin an intihsiak a ni.
Prison Ministry
September 15, 2024 (Pathianni) khan Central Women's Jail-ah hun hman a ni a. Chawhma inkhawm hi Pu David Lalnunsanga Colney, Prison Ministry Counsellor-in a kaihruai a, Pi Helen Zomuansangi'n thuchah a sawiin, Prison inmates atangin Solo leh Group Zai ngaihthlak a ni bawk. Chawhnuah Rev. Lalhmuchhuaka, Prison Ministry Director-in inkhawm a kaihruai a, Ex Prison inmates Pu R.C. Lalmaka'n thuchah tawi a sawi a, Nl. H. Laltharzuali leh Nl. Marina Malsawmtluangi te an zai a, Prison inmate-te'n Group zai leh Sharing hun an hmang bawk a ni.
Aizawl khawpui pawn District Jail hrang hrangah Synod Prison Ministry Sub-Committee Hruaitute ruahman angin chawhnu lamah inkhawm a ni bawk.
Campus Ministry
September 10–12, 2024 chhung khan Baktawng Bial chhunga school hrang hrang - PES Baktawng leh Khumtung, Baktawng Middle School I&II, High School leh Higher Secondary School bakah Govt. Democratic High School, Khumtungah te rawngbawlna an nei a. He hunah hian Synod Campus Ministry lam atangin Director, Rev. H.L. Thianghlima leh Counsellor, Tv. Lalrinchhana te bakah Resource person pathum - Upa Lalnunsiama Khalthang, T. Upa K. Lalengzama leh Pu C. John Saiparliana te an kal a ni.
Kristian Thalai Pawl
1) September 14, 2024 (Inrinni) khan Sumsuih Bial Zaipawl Conductor Training hmanpuiin committee member-te, Pu C. Hmingthanzauva leh Tv. Vanlalremliana te an kal.
2) September 6-10, 2024 chhunga Negombo, Sri Lanka-a neih SACYN 2024 Annual Training Module and Core Group Meeting-ah Tv. P.C. Lalthanmawia, Committee Member leh Nl. Agnes Lalrinzuali, Asst. Coordinator-te an tel.
Trust
September 14, 2024 (Inrinni) khan Buhchangphai leh Tumpui Pastor Quarters sak mek enpuiin Rev. C. Zorammawia, Senior Executive Secretary leh Pu Lalhriatrenga, J.E te an kal.
