Praise On 2024 Audition chu District hrang hrang - Champhai, Serchhip leh Kolasib-ah te tluang taka neih a ni a, September 21 (Inrinni) hian Lungleiah neih a ni leh ang.
September 14, 2024 (Inrinni) khan Kolasib Hmar Veng Kohhranah Praise On 2024 Kolasib Audition neihpuiin Pu John Lalhruaitluanga, Co-ordinator leh SYNFO staff-te, Pu Peter Lalanpuia, pu Laltanpuia, Pu David Lalruattluanga te bakah Video Production lam buaipui turin Tv. Vanlaldampuia, Tv. Zochhuana leh Tv. Lalnuntluanga te an kal a. Audition endik hian Praise On 2024 Judge pathum - Upa F. Lalthanmawia, Nl. R. Lalrinmawii leh Pu Michael Lalneihtluanga te an kal bawk a ni.
Praise On 2024 Audition hi hmun thum - Champhai, Serchhip leh Kolasib-ah te neih tawh a ni a, September 21 (Inrinni) hian Lungleiah neih a ni ang a, September 25-28 chhung hian Tuikual Kohhranah Aizawl Audition neih a ni thung ang. Aizawl Audition-a tel tur hian mi 300-in hming an pe lut a ni.
Praise On Audition hi Hruaina Eng TV-a a chhuah bakah Synod Information YouTube channel-a dah nghal zel a ni a. New Serchhip Audition hi September 19(Ningani) zan dar 8:30-ah Hruaina Eng TV leh YouTube-ah en theih a ni ang a, September 20 (Zirtawpni) zan dar 8:30-ah Kolasib Audition en theih a ni bawk ang. 1st round intihsiakna pawh TV leh YouTube-a en theih turin dah a ni ang a, 2nd round atanga Final thlengin Hruaina Eng TV leh YouTube lamah Live-a pek chhuah a ni tawh thung dawn a ni.
For more Pics Click Here