College of Nursing, Synod Hospital, Durtlang chuan vawiin (Oct. 3, 2024) chawhnu dar 1:00 khan Oath Taking vawi 51-na, Lamp Lighting Ceremony leh Graduation Day vawi 20-na, Multipurpose Hall, College of Nursing, Synod Hospital-ah an hmang a, Synod Moderator Rev. R. Vanlalnghaka chu Khuallian a ni.
Dr. Lalthakima, Director-in inlawmna thu a sawi a, Pi K. Lalengzauvi, Asst. Nursing Superintendent-in Bible chhiar leh tawngtaiin hunserh a hmang. Pi C. Lalrintluangi, Principal-in report a pe a, Pi Ramfangzauvi, Nursing Superintendent-in Oath taking leh Lamp lighting hun a hmang a, Dr. Lalthakima, Director-in Graduate tharte hnenah Certificate a sem a. Zirlai ti thate hnenah Moderator Rev. R. Vanlalnghakan lawmman a sem a, thu a sawi nghal a ni. Rev. V.L. Luaia Hranleh, Executive Secretary-in Graduate tharte leh Zirlai tharte tawngtaisakna hun a hmang a, Award hrang hrang pasarih sem a ni bawk. Hun tawpah Upa Dr. Lalbiaksanga Hnamte, Librarian -in lawmthu a sawi a ni.
Synod Hospital-ah hian Nurse zirna hi kum 1928-ah Hospital din anih atangin Nursing School hi din ve nghal a ni a. Nurse zir hmasa ber chu Nl. Khuangi, kum 16 mi a ni. Nursing School hi kum 1944-ah Indian Nursing Council-in Nurse puitling zirna turin Recognition a pe a, June 20, 2019 khan Nursing School chu College-ah hlankai niin College of Nursing, Synod Hospital, Durtlang tih a lo ni ta ni.
For more Pics Click Here