Praise On 2024 Audition Round zo fel
Synfo leh Central KTP buatsaih, Praise On (Mal zai intihsiak) chu Audition Round tluang taka neih a ni a, Audition round hi mi 118-in an paltlang a ni.
Audition hi hmun nga - Champhai, Serchhip, Kolasib, Lunglei leh Aizawlah te neih a ni a. Judge pathum - Upa F. Lalthanmawia, Nl. R. Lalrinmawii leh Pu Michael Lalneihtluanga te bakah Guest Judge Tv. H. Lalthazuala ten an endik a ni. Synfo atangin Video Coverage tiin thawktute an kal bawk.
Praise On First round hi October 14-16, 2024 chhungin Saron Veng Kohhran Jubilee Hall-ah neih a ni ang a, chawhma dar 10 atangin TV leh YouTube-ah Live-a pek chhuah thin a ni ang. 2nd round (Top 30) atanga Final thlengin Hruaina Eng TV leh YouTube lamah Live-a pek chhuah a ni bawk ang. 2nd Round hi Saron Veng Kohhranah tho neih a ni ang a, Top 10 leh Top 5 intihsiakna hi Dawrpui Kohhranah neih a ni thung ang.
Kristian Thalai Pawl
September thla chhung khan YRC Convention Centre & Dormitory-a hman tur thilpek hetiang hian dawn a ni -
Table - Zemabawk Bial
Lectern - Falkland Branch
Mattress - Armed Veng North Branch, Zemabawk Vengthar Branch & Bethlehem Branch
Chair - Republic Vengthlang Branch & Champhai Zotlang Branch
Dawhkante pathum - Armed Veng South Branch
Worship
September 26, 2024 (Ningani) khan Khawzawl Vengthar Bialah Zai hruai training neih a ni a. Pu H. Lalrinmawia, Senior Music Instructor leh Pu C. Lalchhandama, Office Assistant te an kal.
