Vawiin (Oct. 4, 2024) zing dar 10:00 khan Synod Office Devotion Room-ah Synod Telephone Directory App siam thar chu Synod Moderator, Rev. R. Vanlalnghakan Pathian hnenah hlanin a tlangzarh.
Directory App tlangzarh inkhawm hi Rev. Dr. K. Lallawmzuala, Executive Secretary, i/c SYNFO-in a kaihruai a, Pu John Lalhruaitluanga, SYNFO Co-ordinator-in Directory APP siam tura hma lak chhoh dan report tawi a pek hnuin SYNOD PHONE BOOK APP chu Moderator hian a tlangzarh a. APP siamtu, SIRUK Consultancy lam atangin APP chungchanga hriat tur awmte CEO, Sunday Lalbiaknian a sawi fiah bawk a ni.
Synod Phone Directory hi 1996 atanga siam tan a ni a, Phone Book App tlangzarh tak hi a bua siam a nih hunah chuan Edition 10-na a ni ang. Synod Phone Book-ah hian Presbyterian Kohhrana Pastor leh Kohhran Committee member zawng zawngte bakah Synod hnuaia thawktu zawng zawngte phone number dah a ni.
Phone Directory APP hi Playstore leh Appstore-a download theih mai turin a awm thuai dawn a ni.