Alliance Defending Freedom India (ADF-India) leh Mizoram Presbyterian Church Synod chuan October 14, 2024 (Thawhtanni) khan kum thum chhung atan thawh hona thuthlung an ziak.
He thuthlung ziahnaah hian Synod aiawhin Rev. R. Vanlalnghaka, Moderator leh Rev. R. Lalhmingsanga, Secretary, Synod Mission Board-in hming an sign a, ADF India aiawhin Ms. Loreign Ovung, Trustee for ADF India Trust leh Mr. Utkarsy Singh Payal-ten hming an sign a ni.
Alliance Defending Freedom India (ADF-India) hi India rama sakhaw zalénna a awm theih nána thawk pawl, Kristian Dan hre mi inzawmkhawm pawl a ni a, kum 2012 khan mihring dikna humhalh tum pawl hrang hrangte nen sakhaw zalènna leh mihring nun zahawmna humhalh tura an din a ni a. ADF hian India ram hmun hrang hrangah dan hre mi (Lawyers) rual za tam tak thawhpui a nei a, chúngte nên chuan sakhaw zalénna a awm theihna turin tan an la a. Chu mi tihlawhtling tur chuan finfiahna hmanrua túrte la khawmin sakhua avanga tih duh dah tawkte nen an thawk ho thin a ni.
ADF-India hian Delhi-ah hmunpui neiin India ramah hian hmun 13-ah office an nei a ni.