Kristian Thalai Pawl
October 8, 2024 (Thawhlehni) khan Senate of Serampore College and Church Leaders' Meet, Regency Hotel Conference Hall-a neihah UpaLalmuanpuia, General Secretary leh T.Upa Rinsailova Sailo, Treasurer te an tel.
October 10, 2024 ((Ningani) khan Mizoram State Legal Services Authority leh High Court Legal Services Committee, Gauhati High Court, Aizawl Bench buatsaih, "Workshop on The Narcotic Drugs and Psychotropic Substances Act, 1985 & General Provisions of Inquiries and Trials : Issues and Challenges", ATI Auditorium, MINECO Aizawl a neihah Central KTP aiawhin committee member-te, Pu Lalduhawma Chhangte leh T. Upa Lalremsiama Khiangte te an tel.
Campus Ministry
October 9-10, 2024 chhung khan Centenary School, Dawrpui Church-a Class III-VII zirlaite Crusade neihpui a ni a, zirlai naupangte hi Group hnihah then an ni. Resource person-te chu Upa Lalnunsiama Khalthang leh Pu C. John Saiparliana te an ni a, Director leh Counselor-te an kal bawk.
Mizoram Christian College (MCC)
October 11, 2024 (Zirtawpni) khan ‘Club Day’ hman a ni a. Hetiang hian MCC-a Club hrang hrang panga te chuan hun an hmang:
1) Agripreneur Club:
Chawnga Composite Farm, Lengpui-ah zan khat riakin zing dar 7:30-ah hna an thawk tan a, hmeichhiain hlo thlawh an zir a, mipa lamin huansam an zir. Mipa lamin sangha len den zirin sangha manna hun hlimawm tak an hmang bawk.
2) Art & Music Club:
Fund Raising lam hawiin College Campus-ah hun an hmang a, club member-te mai bakah Synod HSS zirlaite pualin hun buatsaih a ni. He hunah hian – live music, Art & Craft, thlalak leh lemziak, games leh silaikah hmang te in hun hman a ni.
3) Adventure Club:
‘Trekking and Cleanliness Drive’ neiin Reiek Tlangah hun an hmang a. Club Day hi physical fitness atan te, environment humhalh leh faina kawnga tan lak nan te an hmang a ni.
4) Chuailo Cultural Club:
Mizo hmun hlui pali – Zokhua Lal in leh Zawlbuk, Falkawna mi te; Sibuta Lungphun leh Kaphleia Chhakchhuak Thlan leh Inte Thawveng, Tachhip-a mi te; Zawlpala Thlan Tlang, Phulpui-ah te hun an hmang a. He hunah hian zirtirtuten an hmun tlawhte chu sawifiahin; mizote tana a hlutnate an zirtir a ni.
5) Literature Club:
Green Library Week hmanna nipahfawmin Lalsavunga Park, Hlimen-ah hun an hmang a. Club member-te chuan anmahni phuah Poetry chhiarin sawi hona hun an hmang. He hunah hian Lalhmangaihi Khiangte, MAL Book of the Year 2023 lawmman dawngtu chu ‘Special Guest’ atan sawm a ni.
Prison Ministry
October 13, 2024 (Pathianni) khan District Jail, Aizawl-ah Prison Ministry chuan Jail tang chhuak (Ex-Prison inmates) te nên rawngbawlna hona hun an hmang.
Chawhma inkhawmah Pu J. Lalramtiama, Khawngaihna In, Chite Vengin hun a hmang a, chawhnu inkhawmah Pi C. Lalhriatrengi'n ?anna hun hmangin Testimony a sawi a. Pi Helen Zomuansangi'n Testimony sawia thuhrilin, Nl Ruth Lalmalsawmi, Bungkawn a zai bawk.
Aizawl khawpui pawn lama District Jail - Chhamphai, Chhiahtlang, Kolasib, Lawngtlai, Lunglei, Mamit leh Siaha Jail-ah te Synod Prison Ministry Sub Committee ruahmannain chawhnu lamah hun an hmang vek bawk.
Synod Prison Ministry chuan inkhawmnaa an hman turin Lawngtlai Jail tan Keyboard leh Chhiahtlang Jail tan Combo Speaker an pe bawk.
Synod Higher Secondary School
October 7-11, 2024 chhung khan Aizawl District Secondary School Sports 2024 neih zawh takah Synod Higher Secondary School chu a pumpuiah pangana an ni a, item chi hrang hrangah lawmman hetiang hian an la:
1. Table Tennis:
Girls Open Singles - Gold leh Silver
Boys Open Singles - Gold leh Bronze
2. Taekwondo (45-48 kg) Boys - Bronze medal
3. 800m Race (Girls)- Bronze medal
4. Long Jump (Boys) - Bronze medal
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Bawrai khuaa vanduaina tawk chhungkaw pahnih hnenah Rs.50,000/- ve ve, Keitum khuaa vanduaina tawk chhungkaw pahnih hnenah Rs.35,000/-, Phunchawnga leimin tuar chhungkaw pahnih hnenah Rs.25,000/-, Sairang Dinthar damlo mi pathum hnenah Rs.10,000/- theuh, Neihloh khuaa khawsak harsa chhungkaw pakhat hnenah Rs.10,000/-, Ramhlun Vengthara khawsak harsa chhungkaw pakhat hnenah Rs.10,000/- leh Falkhawn khuaa leimin tuar chhungkaw pakhat hnenah Rs.8,000/- pek a ni.
September thla chhunga harsatna hrang hrang tawkte hnena Synod Relief Fund atanga chhawmdawlna sem zat chu Rs.6,02,000/- a ni.