Zanin (Oct. 18, 2024) atang khan Masihi Sangati Convention vawi 33-na chu Saitual Kohhran Biak Inah neih tan a ni a, Oct. 20, 2024 (Pathianni) zanah a tiak ang.
Tun tum Masihi Sangati Convention thupui chu 'Chhandamtu Isua' tih a ni a, Speaker Rev. Darrema Hlawndo i/c Aizawl North Bial a ni ang.
Zanin (Oct. 18, 2024) khan Inlawmna Inkhawm neih a ni a, Rev. R. Lalrinsanga Director, Masihi Sangati Kendra-in inkhawm a kaihruai a, Upa Lalthahluna Ralte, Co-ordinator, SMB-in Inlawmna leh Inhmelhriattirna hun a hmang. Rev. R. Vanlalnghaka, Synod Moderator hnen atangin thuchah ngaihthlak a ni a, Masihi Sangati Pastor-te hnen atangin Report ngaihthlak a ni bawk. Zaipawl 4 - Synod Mission Choir, Sihphir Bial MS, Chaltlang Kohhran MS leh Champhai Bethel MS te an zai bawk.
October 19, 2024 (Inrinni) zingah Bible Study neih a ni ang a, chawhmaah Vantlang Pathian Biak inkhawm a awm ang a, chawhnu lamah Fellowship leh Cultural Programme-in hun hman a ni ang a, zanah Vantlang Pathian Biak inkhawm neih a ni ang. October 20, 2024 (Pathianni) chawhma, chawhnu leh zanah Vantlang Pathian Biak inkhawm neih a ni ang.
Inkhawm apiangin Synod Mission Choir, Area Choir leh Bial Masihi Sangati hrang hrangte an zai ang a, a remchan dan angin a mamawhte tan Counselling class neih thin a ni bawk ang. Convention hi SYNFO chuan Hruaina Eng TV leh YouTube lamah Live-a pek chhuah tum a ni.
