Synod Social Front leh Laura Aluminium Extrusions tangkawpin September ni 23 atanga an buatsaih tan, Aluminium Mistiri Training chu October 18, 2024 (Zirtawpni) zan dar 7:00 ah Synod Conference Centre, Pi Zaii Hall-ah kharna hun hman a ni.
Training kharna programme hi Rev. P.B. Mankima, Synod Secretary-in a kaihruai a. Upa H. Lalhmingmawia, Co-ordinator, Synod Social Front-in trainee-te tana hriattur leh report a pek zawhah Rev. V.L. Luaia Hranleh, Executive Secretary i/c Synod Social Front chuan thuchah a sawi a. Trainee-te hnenah certificate a hlan nghal a ni.
Rev. V.L.Luaia Hranleh chuan Training-a telte chu fuihin an zir thiamnate chu eizawnna tlinga hmang tur te, mahni kea ding zui thei ngei tur leh kan ramah aluminium hmanga eizawnna chu eizawnna tling a nih zia sawiin, thiamna rintlak nei tura a duhsak thu a sawi.
Laura Aluminium Extrusions atangin, Pi Sara Lalengkimi pawhin thuchah a sawi a. Dr. Shirley Lalbiakzuali Chhangte-in Pathian chawimawina hla vawi hnih a sa bawk a ni.
Aluminium Mistiri Training-ah hian trainee, mi 24 an awm a, Trainer mi 2 leh Programme Care Taker mi pakhat a awm bawk. Training neih a nih chhung hian ni hnih chhung chu theory-a an zir hnuah chhun lamah nitinin practical training an nei thin a. Zanah mithiam hrang hrang hnen atangin work ethics/work culture lecture an ngaithla thin a ni.
For more Pics Click Here