MSSU
October 18, 2024 (Zirtawpni) khan Bawngkawn Bethel Kohhranah Sunday School zirtirtu training neihpuiin trainer-te, Upa Lalthanchhunga leh Upa B. Hmingthanruala te an kal.
October 19, 2024 (Inrinni) khan Sunday School zirtirtu training neihpuiin trainer-te hetiang hian an chhuak:
Baktawng Bialah Upa K. Vanlalnghaka, Upa Zionparlawma leh Upa H. Lalremruata te an kal a.
East Lungdar Bialah Upa B. Lalhmunliana leh Upa B. Hmingthanruala, te an kal bawk.
Kohhran Hmeichhia
October 18-20, 2024 chhung khan Lawngtlai Bialah Leadership Training leh Kristian Chhungkaw Campaign neiin committee member-te, Pi Lamchhingi, Pi R. Tlanghmingthangi leh Pi Rengramthangi te an kal.
Worship
October 19, 2024 (Inrinni) khan Bilkhawthlir Bialah Zai hruai training neihpuiin Tv. H. Lalthazuala, Music Instructor a kal.
SL&PB
October 20, 2024 (Pathianni) khan Literature Campaign neiin thawktute hetiang hian an chhuak:
Sairang Dinthar Kohhranah Rev. Lalbiaknia, Editor, Pu Zohmingliana Colney, Jt. Editor, Pu Zohmangaiha, Asst. Editor, Pu Lalremmawia, O/A te an kal a.
Rawpuichhip Kohhranah Pi Rinsailovi, Asst. Editor leh Pu Eric Lalnunmawia, O/A, te an kal.
Social Front
October 18-20, 2024 chhung khan Awareness Campaign neiin campaigner-te hetiang hian an chhuak:
Zote Bialah Dr. Saithantluanga, Pu Lalremruata, Pu Lalrammawia leh Pu R. Lalbiakdika te an kal a.
ITI Veng Kohhranah Rev. V.L. Luaia Hranleh, Executive Secretary a kal a.
Chawnpui Kohhranah Er. H. Duhkima, Bawngkawn Bethel Kohhran Tleirawl inkhawmah Upa C. Chawngthantluanga, Edenthar Kohhran Tleirawl chawhnu inkhawmah Dr. Robert S. Halliday leh Falkland Kohhranah Rev. Dr. Lawmsanga, te an kal a ni.
Mizoram Christian College (MCC)
October 21, 2024 (Thawhtanni) khan Devotion hunah 'Environment' tih thupui hmangin hun an hmang a. He hun hi MCC Sociology Department-in an kaihruai a, Dr. Lallawmsanga, Asst. Professor, Department of Sociology-in thuchah a sawi a. Tin, he hunah hian MCC thawktute leh zirlaite chuan Krismas leh kum thar vuak vetah Sawrkar phal loh thil - halpuah, halmawi leh thildang te ti lo turin intiamna an nei bawk.
October 22, 2024 (Thawhlehni) khan MCC Mizo Department te chuan Off Campus 'Mizo Thlawhhma Fan' hun hmangin, Head of Department, P.C. Lalngaihzuala te lo/huan Kawnpuiah hun an hmang. He hunah hian Pu Lalsangzuala, Asst. Professor, Dept. of Mizo, Mizoram University chu Resource Person a ni a. Mizote thlawhhma lak dan leh an lo neih dan chungchang zirtirna hun a hmang a. Zirlaite hian Mizo thlawhhma lak dante a hmunah an zir a, hlo thlawhte leh a taka tih theih ang ang te an ti bawk.
October 22, 2024 (Thawhlehni) zan khan AMC chuan Mission Vengthlang Local Council huam chhungah 'Bawlhhlawh thliar hran chungchanga inzirtirna Campaign' an buatsaih a. He hunah hian MCC thawktute pawh tel tura sawm an nih angin mi pahnih an tel thei a ni.
Synod Higher Secondary School
Synod Higher Secondary School chuan October 23, 2024 (Nilaini) chawhnu dar 1:45 khan an Lecturer Joseph Vanlalhruaia Sailo-in National Teachers' Award 2024 a dawn lawmna School Multipurpose Hall-ah an nei a. He hun hi Pu Lalremchhunga Pachuau, Vice Principal-in a kaihruai a, Pi Ngurzikpuii Sailo, Senior Teacher-in school aiawhin lawmpuina thilpek a hlan a. Principal Pu Lalsiammawia Fanai-in thusawina hun nei bawkin Malzai leh Zaipawl zai te ngaihthlak a ni a. Tlaiah staff leh Awardee tawiawmtute nen zanriah kil ho a ni.
Praise On 2024 mal zai intihsiak Top 30 intihsiakna neih a ni dawn
October 24&25, 2024 zan hian Saron Veng Kohhhranah Praise On 2024 Second round (Top 30) intihsiakna neih a ni dawn a, Top 30-ah hian Sound track hman a ni ang. Zan khatnaah mi 16 intihsiakin zan hnihnaah mi 14 an intihsiak ang a. Intihsiakte hian Pathian hla an duh ber an sa dawn a ni. Top 30 atang hian Top 10 thlan chhuah an ni ang a, Top 10 intihsiakna hi November 7-8, 2024 chhungin Dawrpui Kohhran hall-ah neih a ni ang. Top 10 atang hi chuan live music-a zai rem a ni vek tawh dawn a ni.
October 14-16 chhung khan chhun lamah Saron Veng kohhranah 1st round intihsiakna neih a ni a, hetah hian mi 117 intihsiakin Top 30 hi thlan chhuah an ni.
Praise On Mal zai intihsiakah pakhatnain Rs. 1,20,000; pahnihnain Rs. 70,000 leh pathumnain Rs. 50,000 an dawng dawn a. Top 5 chinin Rs. 15,000 an dawng ang a, Top 10 chinin Rs. 10,000 an dawng ve bawk dawn a ni.
Praise On hi First Round atangin Hruaina Eng TV (Zonet-12 & LPS-15) leh YouTube lamah Live-a pekchhuah a ni a. November 7&8 zanah Top 10 intihsiakna leh November 21 zanah Top 5 intihsiakna Dawrpui Kohhranah neih a ni ang.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Sihthiang khuaa leimin tuar chhungkaw pali hnenah Rs.34,000/- leh Hlimen Damvenga damlo mi pahnih hnenah Rs.10,000/- ve ve pek a ni.