October 24&25, 2024 zan hian Saron Veng Kohhhran Hall-ah Praise On 2024 Second round (Top 30) intihsiakna neih a ni dawn a, Top 30-ah hian Sound track hman a ni ang.
Zan khatnaah mi 16 intihsiakin zan hnihnaah mi 14 an intihsiak ang a. Intihsiakte hian Pathian hla an duh ber an sa dawn a ni. Top 30 atang hian Top 10 thlan chhuah an ni ang a, Top 10 intihsiakna hi November 7-8, 2024 chhungin Dawrpui Kohhran Hall-ah neih a ni ang. Top 10 atang hi chuan live music-a zai rem a ni tawh dawn a ni.
October 14-16 chhung khan chhun lamah Saron Veng kohhranah 1st round intihsiakna neih a ni a, hetah hian mi 117 intihsiakin Top 30 hi thlan chhuah an ni.
Praise On Mal zai intihsiakah pakhatnain Rs.1,20,000; pahnihnain Rs.70,000 leh pathumnain Rs.50,000 an dawng dawn a. Top 5 chinin Rs.15,000 an dawng ang a, Top 10 chinin Rs.10,000 an dawng ve bawk dawn a ni.
Praise On hi First Round atangin Hruaina Eng TV (Zonet-12 & LPS-15) leh YouTube lamah Live-a pekchhuah a ni a. Top 10 leh Top 5 intihsiakna hi Dawrpui Kohhranah neih a ni ang.