Synod Social Front chuan Ramngaw, Nungcha leh Tuihna humhalh kawnga mipuite rilru tithangharh thei tur video clip tawi insiamsiak a buatsaih result puan leh lawmman hlanna programme chu October 24, 2024 (Ningani) zan dar 7:00 khan Pi Zaii Hall, Synod Conference Centre-ah neih a ni.
Programme hi Nl. Agnes Lalrinzuali, Assistant Co-ordinator, KTP-in a host a. Rev. Dr. Lawmsanga, Synod Social Front Executive Committee-in hunserh a hman zawhah Upa H. Lalhmingmawia, Co-ordinator, Synod Social Front chuan intihsiak buatsaih chhan leh buatsaih a nih dan report a pe a ni.
Rev. V.L. Luaia Hranleh, Executive Secretary i/c Synod Social Front chuan thuchah sawiin, Ramngaw, Nungcha leh Tuihna humhalh kawngah a tha zawngin mipuite rilru a inbuatsaih chho zel a. Ramngaw, Nungcha leh Tuihna humhalh hi a Pathian thu em em a, Pathianin min duh dan pawh a ni. Kan humhalh thiam poh leh kan ram tan a tha a, mipui tan a pawimawh a ni tih thu uar taka sawiin ama Sam phuah (V.L. Sam) ngaihnawm tak pawh a chhiar chhuak a ni.
Rev. V.L. Luaia Hranleh hian intihsiaknaa lawmman dawngte hnenah lawmman a hlan a nghal a. Lawmman dawngtute chu :
1-na : Aizawl Branch KTP (Certificate, Memento leh Rs. 30,000/-)
2-na : Lalchungnunga, Champhai Zotlang Kohhran (Certificate, Memento leh Rs. 20,000/-)
3-na : Central Jail Veng Kohhran (Certificate, Memento leh Rs. 10,000/-)
Consolation prize dawng mi sawm hnenah Certificate leh Rs. 3,000/- theuh hetiang hian hlan an ni bawk :-
* Bethlehem Branch KTP
* H.D. Lalrindika, Hortoki Vengchhak
* Johny Lalhruaitluanga, College Veng
* Khatla Kohhran
* Nursery Veng Branch KTP
* P.U.C. Drama Club
* Ramhlun Kohhran
* Vaivakawn Vengthlang Kohhran
* Zemabawk East Kohhran
* Zemabawk North Branch KTP
For more Pics Click Here