Vawiin (Oct. 31, 2024) chawhma dar 10:00 khan J.M. Lloyd Hall-ah Synod Education Board an thu a, meeting hi Rev. R. Vanlalnghaka, Moderator-in a kaihruai a ni.
Pu Lalsiammawia Fanai, Secretary-in report a pe a, report-ah hian Synod Education hnuaia School hrang hranga thawktu dinhmun leh Board Exam-ah result tha tak an neih thu te, PES hnuaia HSLC Exam (2024)-a PES ti tha leh mi mal ti tha-te lawmpuina leh chawimawina pek a nih thu te, Synod Higher Secondary School hnuaia thawktute thlarau leh zirna lama intuai tharna neih a nih thu te, Mizo Zirlai Pawl (MZP) leh Mizoram Table Tennis Association tangkawpin Inter School Table Tennis Tournament an buatsaihah Sikulpui zirlaiten Gold Medal an lak thu te tarlan a ni.
Tun tumah hian Presbyterian English School hawn thar dilna te, Presbyterian English School tha zawka enkawl dan tur chungchang te, 2025-2026 budget te a langsar zual a ni.
For more Pics Click Here