October 30, 2024 (Nilaini) chawhma dar 10:00 khan Synod Pastoral Committee an thu khawm a. Rev. R. Vanlalnghaka, Synod Moderator-in he meeting hi a kaihruai a, Rev. P.B. Mankima, Synod Secretary hnen atangin report ngaihthlak a ni.
Secretary report-ah hian zirna sang zawk zir avanga a huna Pastor induction neihpui hman lohte chu May thlaah tluang taka induction tih a nih thu te, June 17-July 18, 2024 chhungin Bial vawng Pastor-te infuihtharna tum nga neih a nih thu te, UTC-a Registrar ni lai Rev. Lalfakawma Ralte chu kum thum dang a awm leh OM-in rem a tih thu te a tel.
Kum 2022-2024 term chhunga Synod Pastoral Committee thut khawm vawi 9-naah hian thu ngaihtuah tur eng emaw zat chhawp chhuah a ni a. Kum 2025-a Pro. Pastor lak tur zat tihchian te, kum 2025-a Pastoral Ministry thupui tur thlan te, Bial siam rem leh Bial thar hawn rawtna te, Presbytery thar hawn rawtna te leh Special Ordination dilna te chu a langsar zual a ni.
For more Pics Click Here