Worship
October 24, 2024 (Ningani) khan LIKBK, Lawngtlai College Vengah Zai hruai training neihpuiin Pu H. Lalrinmawia, Senior Music Instructor leh Tv. Lalawmpuia Tlau te an kal.
Kohhran Hmeichhia
October 24-25, 2024 chhung khan P.W.F. Consultation hmangin Jatinga-ah Central Kohhran Hmeichhia, Mizoram atangin mi 37 an kal.
October 26, 2024 (Inrinni) khan Sihphir Bialah Leadership Training neihpuiin committee member-te - Pi Sailuti, Pi Lalnghakliani leh Pi Lalengzami te an kal.
Synod Literature & Publication Board
October 27, 2024 (Pathianni) khan Kanghmun Kohhranah Literature Campaign neiin thawktute - Rev. Lalbiaknia, Editor; Asst. Editor te - Pu Zohmangaiha; Pi Rinsailovi leh Pi Rallianthangin, O/A te an kal.
Social Front
October 27, 2024 (Pathianni) khan neiin campainer-te hetiang hian an chhuak:
Model Veng Kohhranah Rev. Lalrinmawia
Chawnpui Vengthlang Kohhranah Rev. Dr. Lawmsanga
Kanan Kohhranah Upa C. Lalduhawma, te an kal.
Prison Ministry
October 26, 2024 (Inrinni) khan Champhai Kahrawt Kohhran Hall-ah Prison Ministry chuan Jail-a thuhril dan tur leh inkhawm hruai dan tur tih thupui hmangin Seminar a buatsaih a. He hunah hian Bial pathum - Bethel, Kahrawt leh Vengsang Bial chhunga committee hrang hrang: Kohhran, Hmeichhia, K.T.P leh KPP te an tel a ni. Prison Ministry Director, Rev Lalhmuchhuaka'n paper buatsaihin, mi 300 vel an kal khawm a. Sawihona bakah, zawhna leh chhanna hun an hmang a ni.
Inrinni zân leh Pathianni zânah Prison Ministry Awareness Campaign neih nghal a ni a. Chawlhni nilengin, District Jail, Champhai-ah rawngbawlna neih a ni bawk. Tun din hmunah mi 132 awmin, heng zinga mi 120 chu mipa an ni a. Hmeichhia 10 leh Naupang 2 an awm bawk.
He rawngbawlnaah hian Prison Ministry Counsellor: Pu C. Lalchhanchhuaha, Pu David Lalnunsanga Colney, Tv. Lalthansanga Sailo leh Soloist, Nl H. Laltharzuali ten hun an hmang a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Rangvamuala leimin tuar chhungkaw pakhat hnenah Rs.20,000/-, West Serzawl khuaa damlo mi pakhat hnenah Rs.10,000/-, Zohmun khuaa damlo mi pakhat hnenah Rs.10,000/-, Chawngtlai khuaa damlo mi pakhat hnenah Rs.10,000/-, Aizawl Lily Venga damlo mi pakhat hnenah Rs.10,000/-, Thiak khuaa damlo mi pakhat hnenah Rs.10,000/-, Tuirial khuaa damlo pakhat hnenah Rs.10,000/-, Lallen khuaa damlo mi pakhat hnenah Rs.10,000/- leh Vathuampui khuaa raltlan chhungkaw 28 hnenah Rs.5,000/- theuh pek a ni.
Revival Department hriattirna
November 5-9, 2024 chhung hian Synod Revival Camping Center, Neihbawiah a duh apiang tan Camping buatsaih a ni dawn a. Speaker tur chu Upa H. Lalhlimpuia, Prayer Foundation Team a ni ang. Camping Fee mi pakhat tan Rs.100/- a ni a, Mutbu bakah Bible, Hlabu, Pen, Note Bu ken tur a ni. Ruihtheih thil ken luh phal a ni lo a. Mobile Phone pawh ken luh phal a ni lo. Thawhlehniah lutin Inrinniah chhuah leh tur a ni ang. Camp neihna hmun Neihbawiah chhun dar 12 - tlai dar 4 inkarah Registration tih fel vek tur a ni a, rokhawlhna lian tak nei an nih loh chuan tlai dar 4 hnu lamah in Register theih a ni lo ang. Ei leh in chu Synod-in a tum vek dawn a ni.