Vawiin (Nov. 5, 2024) chawhma dar 10:00 khan Synod Social Front Committee vawi 199-na chu J.M. Lloyd Hall, Synod Office-ah an thu a, meeting hi Rev. R. Vanlalnghaka, Synod Moderator-in a kaihruai a. Secretary Rev. V.L. Luaia Hranleh a damloh avangin Rev. P.B. Mankima, Synod Secretary-in report a pe.
Report-ah hian Ram ngaw, Nungcha leh Tuihna humhalh chungchanga kawng hrang hranga hmalak a nih dan te, Synod Charity Store hmalak mekna te, Aluminium Mistiri Training buatsaih a nih thu te, Synod Social Front Counsellor rawngbawlna te, Bial leh Kohhran hrang hrangah Seminar leh Campaign neih a nih thu te tarlan a ni.
Tun tumah hian Dan lova sumdawng tihrem dan chungchang te, World AIDS Day thuchah tihchhuah chungchang te, Upate In (Old Age Day Care Centre) kalpui zel dan tur te leh 2025-2026 budget ruahmanna te chu thu ngaihtuah tur langsar zual te an ni.
For more Pics Click Here