Vawiin (Nov. 6, 2024) chawhma dar 10:00 khan Synod Worship Committee vawi 13-na chu J.M. Lloyd Hall, Synod Office-ah an thu a, meeting hi Rev. R. Vanlalnghaka, Moderator-in a kaihruai a, Secretary Rev. Dr. K. Lallawmzuala’n report a pe.
Report-ah hian Bial leh Kohhran hrang hranga training neih a nih thu te, June 29, 2024-a Recital programme hman a nih thu te, Residential Choir Conductors’ Training neih a nih thu te, Kristian Hla Bu ennawn mek chungchang te, Pathian Biak Inkhawm Hruaina Bu enthat chungchang te tarlan a ni.
Tun tumah hian Guitar zirna hawn chungchang te, Mizo Kristian Lengkhawm hlate Audio-a dah that chungchang te, Project thar chungchang te, Presbytery atanga thu lut hrang hrang te leh 2025-2026 budget te chu thu ngaihtuah tur langsar zualte an ni.
For more Pics Click Here