Kristian Thalai Pawl
November 1-3, 2024 chhung khankum khat dana neih thin, PCI hnuaia Presbyterian Kohhran thalaite intawhkhawmna, PYF Youth Camp chu Umswai Model Presbyterian Church, Karbi Anglong-ah neih a ni. He Youth Camp-ah hian Central KTP committee member, Synod Choir leh Bial aiawh member 130 vel an kal a ni.
Prison Ministry
November 3, 2024 (Pathianni) khan Jail-ah rawngbawlna an nei a, Rev. C. Zorammawia, Senior Executive Secretary leh Rev. J.C. Lalramliana, Synod Revival Office-a mi te'n Central Jail leh Central Women's Jail-ah hun an hmang a. Kulikawn Kohhran Masihi Sangati Fellowship ten Central Jail-a Masihi sangati-ah hun an hmang thung bawk.
Tun dinhmunah Mizoramah Jail tâng 1740 (Mipa 1538, hmeichhia 191 leh naupang 11) an awm mek a ni. Mizoram Jail-a tang thei zat (capacity) aiin, tuna tàng mék hi mi 513 laiin an tam zawk a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Ramthar Tlangvenga damlo mi pahnih hnenah Rs.10,000/- ve ve, Mualkhang khuaa damlo mi pakhat hnenah Rs.10,000/-, Khawzawl Dinthar venga khawsak harsa chhungkaw pakhat hnenah Rs.10,000/-, Lungsum khuaa damlo mi pakhat hnenah Rs.10,000/-, Pamchung khuaa damlo mi pakhat hnenah Rs.10,000/- leh Chanmari Vengthar, Serchhipa damlo mi pakhat hnenah Rs.10,000/- pek a ni.