November 12, 2024 (Thawhlehni) atangin Synod Executive Committee vawi 308-na chu J.M. Lloyd Hall, Synod Office-ah an thu a; November 14, 2024 (Ningani) thleng a awh ang.
Meeting hi Moderator, Rev. R. Vanlalnghaka’n a kaihruai a, Rev. P.B. Mankima, Synod Secretary-in report a pe a, Rev. V.L. Luaia Hranleh, Finance Officer-in report a pe bawk. Meeting-ah hian member 140 an kal a ni.
Secretary report-ah hian Pi Margareth Jones (Pi Zawni) thih thu te, Corruption do chungchanga hma lak dan tur Kohhran tinah lehkha thawn chhuah a nih thu te, Krismas leh Kumthar vuakveta halpuah leh hal mawi hal lo tura ngenna thawn chhuah a nih thu te, Cancer Awareness paper sem chhuah a nih thu te, Kohhran in danna sum pek chhuah zat te, Kohhran din nghehna sum peh chhuah zat te leh, Council of Churches in Mizoram, Mission Veng Presbyterian Kohhran Biak Ina hawn a nih thu te tarlan a ni.
Tun tumah hian thurel tura chhawp chhuah 117 a awm a. Chung zingah chuan Synod Nomination member tur ruat chungchang te, mipa thi rate sang mek tihziaawm dan kawng zawn chungchang te, Kohhran Hmeichhe Inkaihhruaina en that chungchang te, KTP Inkaihhruaina en that dilna chungchang te, Kohhran Hmeichhe Co-ordinator leh Central Kohhran Hmeichhe General Secretary tur chungchang te, Synod Service Rules en that rawtna te, Mizoram Christian College Service Rules chungchang te, Mizoram University bul hnaia Counselling Centre din rawtna te, Nupa chungchang dan en that te bakah Department hrang hranga hotu - Executive Secretary; Synod Mission Board Secretary; Editor, SL&PB; Administrative Secretary; Synod Hospital Director leh Synod Higher Secondary School Principal tur thlanna te a tel a ni.
For more Pics Click Here