Social Front
November 10, 2024 (Pathianni) zan khan Synod Social Front programme-in Sairang Dinthar Kohhranah Ramngaw, Nungcha leh Tuihna humhalh awareness campaign neiin Upa C. Lalduhawma a kal.
Kristian Thalai Pawl
November 11, 2024 (Thawhtanni) zan khan Kanan Branch kum 35-na (Coral Jubilee) hmanpuiin Central KTP hruaitute an kal a, he hunah hian Rev. Dr. Rosiamliana Tochhawng, Leader-in thuchah sawiin, T. Upa Laltlanthanga, Committee member-in thilpek a hlan a, Synod Choir te an zai bawk.
Coral Jubilee hi Jubilee lawm khat pawl tak a ni a, Kanan Kohhran hi an indan dawn avangin, indan hma a Jubilee remchang KTP te hian an lawm ta a ni.
SL&PB
November 10, 2024 (Pathianni) khan Thuampui Venglai Kohhranah Literature Campaign neiin thawktute, Rev. Lalbiaknia, Editor leh Pi Rinsailovi, Asst. Editor te an kal.
Prison Ministry
November 10, 2024 (Pathianni) khan District Jail, Aizawl-ah hun an hmang a, chawhma inkhawmah Falkland Kohhran Upa K.Rosangzuala'n hun a hmang a, Nl Lalmuanawmi Fanai, Upper Republic a zai a. Bible chhiar chhuak Prison inmates pathum hnênah Prison Ministry Director Rev Lalhmuchhuaka'n Certificate hlan bawk. Chawhnu inkhawmah Kulikawn Kohhran Upa Vanromawia'n hun a hmang a, Kulikawn Branch K.T.P Praise Group kaihruaiin, Fakna Inkhawm (Praise & Worship) a hun hman a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Zemabawk North leh Zemabawk East-a damlo mi pali hnenah Rs.10,000/- theuh, Chhiahtlang Venghluna damlo mi pathum hnenah Rs.10,000/- theuh, N. Lunglenga Accident tawk mi pakhat hnenah Rs.10,000/-, Hualngohmuna damlo mi pakhat hnenah Rs.10,000/-, Lawipu venga damlo mi pakhat hnenah Rs.10,000/- leh Hualtu khuaa damlo mi pakhat hnenah Rs.10,000/- pek a ni.