Synod Multipurpose Training Centre (SMTC) buatsaih Lay Leaders Training vawi 229-na chu November 18, 2024 (Thawhtanni) zan khan SMTC-ah hawnna inkhawm neih a ni.
Training hawnna inkhawm hi Rev. H. Lalmuanchhana, Director-in a kaihruai a. Rev. C. Zorammawia, Senior Executive Secretary-in training hawngin thuchah a sawi a, he hunah hian Upa H. Zarzoliana, Falkawn chu tum hnih a zai bawk.
Tun tum training-ah hian Presbytery paruk - Aizawl Bethel, Aizawl Hmarchhak, Khawthlang, Teirei, Tuivawlral leh Tuipuiral atangin Kohhran Upa 36 an tel thei a, training chhunga Resource person te chu Rev. Thangzauva, Rev. K. Lalpiangthara leh Rev. Lalrinmawia te an ni.
Kohhran Upate tana Lay Leaders’ Training hi kum 1996 atang khan neih tan a ni a, training-ah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zir thin a ni a, Kohhran thlarau lam nun enkawl dan tha te zir ho thin a ni bawk.
Training hi November 22, 2024 (Zirtawpni) zanah kharna hun hman a ni ang.
For more Pics Click Here