Vawiin (Nov. 19, 2024) chawhma dar 10 khan J.M. Lloyd Hall, Synod Office-ah Synod Finance Committee, vawi 151-na an thu. Meeting hi Rev. R. Vanlalnghaka, Synod Moderator-in a kaihruai a, Rev. V.L. Luaia Hranleh, Finance Officer hnen atangin report ngaihthlak a ni. Meeting hian November 21, 2024 thleng a awh ang.
Report-ah hian Bial Treasurer te puala Training buatsaih a nih thu te, Synod hnuaia Department hrang hrang leh Mission Field hrang hrang DDO leh sum khawihtute puala Training neih a nih thu te leh Bial leh Kohhran hrang hranga Finance Campaign leh Account Training neih a nih thu te tarlan a ni.
Meeting-ah hian thu ngaihtuah ho tur chhawp chhuah eng emaw zat a awm a. Chung zingah chuan Synod Office Auditor ruat chungchang te, Delhi-a STA Building repair chungchang te, Nursing College Administrative Block, Building thar sak tur changchang te leh Lungleia Synod House Building sak thar chungchang te a tel a ni.