Zanin (Nov. 21, 2024) dar 7:30 hian Synfo leh Central KTP te buatsaih Praise On mal zai Top 5 intihsiakna, Dawrpui Kohhran Hall-ah neih a ni ang.
Top 5 te hian hla pahnih theuh an sa ang a, mahni hla duh ber leh Judge-te hla thlan chhuah hmangin intihsiakna an nei ang. November 22, 2024 (Zirtawpni) zanah Result puan leh lawmman semna neih a ni ang.
Praise On Mal zai intihsiakah pakhatnain Rs.1,20,000/-; pahnihnain Rs.70,000/- leh pathumnain Rs.50,000/- an dawng dawn a. Top 5 chinin Rs.15,000/- theuh an dawng ang a, Top 10 chinin Rs.10,000/- an dawng bawk ang.
He intihsiakna hi Hruaina Eng TV (Zonet-12 & LPS-15) leh Synod Information YouTube channel-ah Live-a pekchhuah a ni ang.
Top 5 intihsiak turte chu :
1. Samuel Lalmuanchhana - Armed Veng Branch
2. Lalthlanawma - Ramhlun Branch
3. Maria Lalmuanpuii - Chhiahtlang Bazar Branch
4. P. Vanlalhriatpuia - Chaltlang South Branch
5. J. Lalruatsangi - Sihphir Branch