Department Activities - November 28, 2024
November 28, 2024 | DEPARTMENT ACTIVITIES
Worship
November 23, 2024 (Inrinni) khan Dawrpui Vengthar Kohhranah Zai hruai training neihpuiin Pu H. Lalrinmawia, Senior Music Instructor leh Tv. Samuel Vanlalhruaitluanga, Music Instructor te an kal.
November 23, 2024 (Inrinni) vek khan Thenzawl Bial KTP, Music Training neihpuiin Pu Benjamin Sailo, Music Instructor leh Pu Malsawmkima Sailo te an kal.
Synod Literature & Publication Board (SL&PB)
November 23-24, 2024 chhung khan Ngopa Venglai Kohhranah Literature Campaign neiin thawktute - Pu Zohmingliana Colney, Jt. Editor; Pu Zohmangaiha, Asst. Editor leh Pu Lalremmawia, O/A te an kal.
MSSU
November 23, 2024 (Inrinni) hian Hortoki Bialah Sunday School Zirtirtu training neihpui turin trainer-te, Upa K. Zoremsanga leh Upa Lalsiammawia Pachuau te an kal ang.
Social Front
November 23, 2024 (Inrinni) khan N. Vanlaiphai Venglai Kohhranah Ramngaw, Nungcha leh Tuihna humhalh seminar neih a ni a, he hunah hian Dr. Lalbiakmawia Ngente chu Resource Person a ni.
Prison Ministry
November 24, 2024 (Pathianni) khan Central Jail-ah hun an hmang a, Chawhma lnkhawm SPM Counsellor Nl. Lalrinzuali'n a kaihruai a. Pi Lalnunpuii, Ex-Prison Inmate-in Pathian thuchah a sawi a, Nl. Lalmuanawmi Fanai, Upper Republic a zai bawk.
Chawhnu inkhawm chu SPM Counsellor Tv. Lalthansanga Sailo-in a kaihruai a. Praise Group, Kulikawn Branch K.?.P te kaihhruainain Fakna inkhawm (Praise & Worship) hun hman a ni a. Upa Vanromawia, Kulikawn kohhranin thuchah tawi a sawi bawk.
Tun dinhmunah Central Jail-ah hian mi 803 tâng an awm mêk a, Central Women's Jail-ah mi 140 tâng an awm mêk bawk.
Trust
November 25-26, 2024 chhung khan Lungleiah Khawiva hmuna Synod ram teh felin Pu Lalhriatrenga, J.E, Tv. Kros Nuntluanga, J.E leh Pu J. Malsawma, OA te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Phuaibuang Vengthar Kohhran Biak In lungrem chim siam that nan Rs.50,000/-, Rawpui Kohhran leimin dawlna atan Rs.50,000/-, Phaizawl, Champhai Bethel-a in kang chhungkaw pakhat hnenah Rs.20,000/-, Leitan East-a damlo mi pakhat hnenah Rs.10,000/-, Lily Veng North-a khawsak harsa chhungkaw pakhat hnenah Rs.10,000/-, Model Venga damlo mi pakhat hnenah Rs.10,000/-, West Serzawla damlo mi pakhat hnenah Rs.10,000/-, Tuidam khuaa damlo mi pakhat hnenah Rs.10,000/- leh South Sabuala damlo mi pakhat hnenah Rs.10,000/- pek a ni.
Revival Department hriattirna
December 3-7, 2024 chhung hian Synod Revival Camping Center, Neihbawiah a duh apiang tan Camping buatsaih a ni dawn a. Speaker tur chu Upa C. Zanghinglova, Jehova Jire Team a ni ang. Camping Fee mi pakhat tan Rs.100/- a ni a, Mutbu bakah Bible, Hlabu, Pen, Note Bu ken tur a ni. Ruihtheih thil ken luh phal a ni lo a. Mobile Phone pawh ken luh phal a ni lo. Thawhlehniah lutin Inrinniah chhuah leh tur a ni ang. Camp neihna hmun Neihbawiah chhun dar 12 – tlai dar 4 inkarah Registration tih fel vek tur a ni a, rokhawlhna lian tak nei an nih loh chuan tlai dar 4 hnu lamah in Register theih a ni lo ang. Ei leh in chu Synod-in a tum vek dawn a ni.
