Vawiin (Dec. 20, 2016) chawhnu dar 1:00 khan Synod Office-a thawktute chuan J.M. Lloyd Hall, Synod Office-ah thawktu kal chhuak turte thlahna hun an hmang.
Vawiin (Dec. 20, 2016) chawhnu dar 1:00 khan Synod Office-a thawktute chuan J.M. Lloyd Hall, Synod Office-ah thawktu kal chhuak turte thlahna hun an hmang. Inthlahna programme hi Rev. Lalramliana Pachuau, Senior Executive Secretary-in a kaihruai a, Upa Zonunmawia, Coordinator, KTP-in thlahte chanchin tawi a sawi. Thlahte hnen atangin thusawi tawi ngaihthlak a ni a, Rev. P.C. Pachhunga, Executive Secretary-in Thlahna Thuchah sawiin tawngtaisakna hun a hmang.
Kum 2017 atanga hmun danga insawn chhuak turte leh pension-a chhuak turte chu -
Rev. Rev. H. Lalrinmawia, Ex-Moderator (Pension tur)
Rev. Jonathan Pachuau, FG&CC Counsellor, Aizawl (FG&CC Counsellor, Champhaia awm tur)
Upa F. Lalremthanga, Coordinator, Worship (Pension tur)
Upa D.P. Biakkhuma, Supervisor of Schools (Pension tur)
Pu Lalhmingliana, Chowkidar (Pension tur)
te an ni.
Heng thawktu pension tur-te hnenah hian Synod Office Staff Welfare hmingin pawisa fai Rs.10,000/- leh Synod hminga ngaihhruina thuziak frame hlan an ni a, hmun danga insawn chhuak turte hnenah hian Rs. 2000/- hlan an ni bawk.
Synod Office hi January 5, 2017-ah hawn leh a ni ang a. Kum danga lo tih thin angin Krismas 2016 leh Kumthar 2017 inkar Synod chawlh chhung hian Synod Bookroom dawr zawng zawngte chu December 28, 2016 (Nilaini) leh December 29, 2016 (Ningani) hian mipui dawr theih turin hawn a ni thung ang.