January 15&16, 2025 chhung khan J.M. Lloyd Hall, Synod Office-ah Presbyterian Church of India (PCI) Executive Committee neih a ni a, member 58 an kal.
Meeting hi Joshua Jeme, PCI Moderator-in a kaihruai a, thurel tura chhawpchhuah eng emaw zat a awm a, chung zingah chuan Isua van lawn ni serh chungchang te, unity building sak chungchang te, Pathian biak inkhawm tih hmasawn chungchang te, tawngtai khaidiat neih chungchang te bakah working committee leh standing committee atanga thu lut te ngaihtuah a ni.
PCI Executive Committee hi Silchar Mission Compound-ah neih thin a ni a, amaherawhchu Silchar Mission Compound-a building thiah a nih avangin Mizoram Synod-in a vawi khatna atan Aizawlah a thleng a ni. Executive Committee hi kum khatah vawi hnih, January leh August thlaah te neih thin a ni.
2024 report-a PCI dinhmun tlangpui hetiang hi a ni:
Synod : 11
Provisional Synod : 1
Presbyteries : 137
District : 669
Local Church : 3511
Branch Church : 546
Ministers : 1282
Pro. Pastor : 122
Member zawng zawng : 16,26,525
For more Pics Click Here