Kristian Thalai Pawl
January 18, 2025 (Inrinni) khan Khatla North Branch KTP Silver Jubilee hmanpuiin Central KTP hruaitute an kal a, Pu K. Vanlalremruata, Committee Member-in lawmpuina thilpek hlanin, Rev. H. Lalawmpuia, Leader-in thuchah a sawi a, Mizoram Synod Choir te an zai bawk.
January 19, 2025 (Pathianni) zan khan Central KTP hruaituten, KTP Rorel Inkhawm thlengtu tur Chawnpui Kohhran an tlawh a, inkhawm banah Kohhran Committee leh Organising Committee-te nen inkawm hona hun an hmang a. Inkhawmah hian Rev. H. Lalawmpuia, Leader-in thuchah sawiin, Mizoram Synod Choir an zai a ni.
Campus Ministry
January 14-15, 2025 chhung khan Vanbawng khuaa School hrang hrangah Vanbawng Educational Service Association (VESA) ruahmannain rawngbawlna neih a ni a. He hunah hian Director, Rev. H. L. Thianghlima hovin Counselor Tv. Lalrinchhana, Upa K. Lalengzama leh Pu C. John Saiparliana te an kal.
Presbyterian English School (PES), Govt. Primary School I & II, Middle School I & II leh High School-ah te hun an hmang a ni.
MSSU
January 17, 2025 (Zirtawpni) zan khan Tuithiang veng Kohhranah Sunday School zirtirtu training neihpuiin Pu Lalhmunzauva Tlau, Asst. Coordinator a kal.
January 18, 2025 (Inrinni) khan Sunday School zirtirtute training neihpuiin MSSU Trainer-te hetiang hian an chhuak:
Chawngte ‘P’ Bialah – Upa K. Vanlalnghaka, Upa Isak Zarzoliana Chhangte leh Upa H. Lalnghinglova
Airfield Vengthar Bialah – Upa Hrilthansanga, Upa C. Lalbiaksanga leh Upa Lalsiammawia Pachuau
Finance
January 18, 2025 (Inrinni) khan Phungchawng Kohhranah Accounts Training neihpuiin Finance Department atangin thawktute, T.Upa R. Lalbiakdika leh Pu Lalhruaizela Ralte te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni :
Vaitin Vengthara khawsak harsa chhungkaw pathum hnenah Rs.10,000/- theuh, Khawpuar khuaa damlo mi pakhat hnenah Rs.10,000/- leh Neihloh khuaa damlo mi pakhat hnenah Rs.10,000/- pek a ni.