January 28-31, 2025 chhung awh tur Pro. Pastor Orientation Programme 2025 chu Synod Conference Centre, Mission Vengah neih mek a ni.
Orientation programme hi January 28 (Thawhlehni) zan khan hawnna inkhawm neih niin Synod Moderator, Rev. R. C. Lalnghakliana hnen atangin inlawmna leh Keynote Address ngaihthlak a ni.
Orientation chhung hian subject hrang hrang – Church Administration chungchang te, Pathian Biak Inkhawm chungchang te, Synod Rules & Regulation chungchang te leh rawngbawlna atana tangkai tur thupui hrang hrang mi thiamten an zirtir a ni. January 31 (Zirtawpni) zan khan OM te nen inkawm hona neiin Orientation programme hi khar zui nghal a ni.
Tun tum Orientation programme-ah hian Pro. Pastor 16 an tel a, Mission Field hnuaia Pro. Pastor-te chu Field Secretary kaihhruainain anmahni huam chhungah Orientation an nei thung a ni. Pro. Pastor Orientation hi Pro. Pastor lak thar te tan kum tina buatsaih thin a ni.