Kristian Thalai Pawl
January 23, 2025 (Ningani) khan Chanmari Pastor Bial KTP Golden Jubilee lawmna hmanpuiin Central KTP committee member-te, Nl. F. Lallianzuali leh T.Upa Lalremsiama Khiangte te an kal a, Mizoram Synod Choir-te an zai bawk.
January 24, 2025 (Zirtawpni) chawhnu dar 2:00 khan P&E Minister, F. Rodingliana room MINECO-ah, State Day (February ni 20) lawmna programme pakhat 'Prayer Day' chungchang sawi ho tura Kohhran Thalai pawl hrang hrangte sawm an nih angin, Central KTP aiawhin Pu F. Lalremruata, Fin. Secretary leh Committee member-te, Pu H. Zosangliana leh T.Upa Lalremsiama Khiangte te an tel.
Mizoram Christian College (MCC)
January 2-10, 2025 chhung khan Management Department chuan Industrial Visit neiin Kolkata-ah hun an hmang a, an zirna atana tangkai tur hmun hrang hrang an tlawh kual a, zirtirtu pahnih leh zirlai pariat an kal.
January 7-14, 2025 chhung khan Commerce Department 6th Semester zirlaite pawhin Industrial Visit neiin Kolkata-ah hun an hmang ve bawk a, zirtirtu pahnih leh zirlai paruk an kal a ni.
January 24, 2025 (Zirtawpni) khan Planning & Programme Implementation Department, Govt. of Mizoram buatsaihin Vanapa Hall-ah ‘Chief Minister Bana Kaih Innovation Challenge’ hun hmannaa tel tura sawm an nih angin MCC zirtirtu panga leh zirlai 28 an kal a ni.
January 24, 2025 (Zirtawpni) khan Political Science Department chuan an Department room-ah kum 2025 atana Peractio Course hawnna hun an hmang. He hunah hian thusawitu atan Gospel Biakhmingmawia, Proprietor, Gospel Aluminium-in ‘Small Business Startup’ tih thupui hmangin hun a hmang a ni.
Commerce Department-a 2nd Semester zirlai Lalhriatzuali, D/o R. Vanlalsawma, Thenzawl Bazar Veng chu January 2025 kar tawp lama Indian Council for Child Welfare (ICCW)-in Bravery Award 2024 a pek tur zingah thlan tel a ni a, India ram pum huapa ‘Huaisen Chawimawina’ dawng thei MCC zirlai zingah an awm hi a lawmawm hle. Lalhriatzuali hian June 2024 khan a u eirawngbawl chu current-in a man tih a hmuh chuan a ke-ah pawtin, ani pawh current-in a man tel ve deuh nghe nghe a. Chumi hnuah a u chu thlahin a T-shirt-ah a pawt leh a, a chhan chhuak ta a ni.
Synfo
Vawiin (Jan. 30, 2025) hian Thenzawlah Kohhran Hmeichhe Inkhawmpui Lian neihna tur Pandal-ah video coverage dan tur en felin Pu H. Laltanpuia leh Pu David Lalruattluanga te an kal.
Chhim Area Committee
January 30, 2025 (Ningani) khan Lungleiah Chhim Area committee neih a ni a, Rev. R.C. Lalnghakliana, Moderator; Upa Vanlalsawma Siakeng, Synod Secretary; Rev. R. Lalhmingsanga, Mission Board Secretary; Rev. V.L. Luaia Hranleh, Senior Executive Secretary leh Committee member-te, Rev. Ramnghinglova, Upa C. Lalmuankima te an kal.
Trust
January 29-30, 2025 chhung khan Lunglei Chanmari Pastor Quarters ram en felin Pu Lalramenga Royte, J.E a kal.
January 30-31, 2025 chhung khan Champhai Rescue Home Director Quarters en felin Pu Lalhriatrenga, J.E a kal.
