Vawiin (Feb. 5, 2025) chawhma dar 10 khan Synod Ramthar Board meeting vawi 185-na chu J.M Lloyd Hall, Synod Office-ah an thu a, member 86 an kal.
Meeting hi Synod Moderator, Rev. R.C. Lalnghakliana’n a kaihruai a, hming lamna neih a nih hnuah Rev. R. Lalhmingsanga, Board Secretary-in report a pe a, Mizo Zaimi Inzawmkhawm (MZI)-in Rimawi Award 2024 a buatsaiha Synod Mission Choir-in Best Choir Award an dawn thu te, Siliguri Mission Field-a Craft Centre, 8th Mile Lamahatta atanga Kalimpong-a sawn a nih thu te, Mission Field-a bial thar pali hawn a nih thu te, Presbyterian Hindi Bible School-a zir tur lak a nih thu te, Tentmaker Missionary lak a nih thu te leh kum 2024 chhunga Mission Field hrang hranga belhtu thar 8327 an awm thu te tarlan a ni.