Worship
February 6, 2025 (Ningani) zan khan Tlangnuam Vengthlang Kohhranah Zai hruai training neihpuiin Pu Benjamin Sailo, Music Instructor a kal. (insert pic..worship 1,2)
Kristian Thalai Pawl
February 6-9, 2025 chhunga LIKBKTP Inkhawmpui vawi 15-na, Vawmbuk-a neihah Central KTP aiawhin Pu C. Lalkhawngaiha, Asst. Secretary leh Pu T.C. Lalhruaitluanga, committee member-te an kal.
February 7-9, 2025 chhunga Bairabi Bial KTP Conference vawi 50-na (Golden Jubilee), Bairabi Rel Station Kohhrana neihah committee member-te, Pu H. Zosangliana leh Upa Lalbiakfela te an kal.
PES
February 8, 2025 (Inrinni) khan Presbyterian English School (PES) school pathum- Kanghmun, W. Lungdar leh Reiek PES te tlawhin Rev. Dr. Rosiamliana Tochhawng, Executive Secretary leh Pu P.C. Vanlalhruaia, Supervisor of Schools te an kal.
Trust
February 11, 2025 (Thawhlehni) khan Tumpui Bial Pastor Quarters sak mek en felin Pu Lalramenga Royte, J.E a kal.
Mizoram Christian College (MCC)
Planning & Programme Implementation Department, Govt. of Mizoram chuan CM Bana Kaih Innovation Challenge a buatsaih a, chumi hnuaiah chuan Higher Educational Institutes (College)-te chu khua pakhat theuh tuksakin Local Immersion nei turin a ti a, Local Immersion-in a tum chu kha khuain a mamawh harsatna emaw, hmasawn theihna tur (Sustainable development) zirchian a ni.
MCC chuan Local Immersion neih nan hian Hortoki khua an chang a. Khaw zirchianna nei turin February 5 – 8, 2025 chhung khan Hortoki-ah riak lutin hun an hmang a, he hunah hian zirtirtu 5, Office Staff 1 leh zirlai 18 an kal.
Khaw zirchian nan hian method hrang hrang hman a ni a: Survey questionnaire, group interaction, personal interview leh observation te neih a ni. Hemi hmang hian March 2025-ah Intihsiakna Project Presentation neih leh tur a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Mamit Dinthar venga damlo mi pahnih hnenah Rs.10,000/- ve ve, Phullen Vengthara damlo mi pakhat hnenah Rs.10,000/-, Zawngin khuaa vanduaina tawk mi pakhat hnenah Rs.10,000/-, Saihriam khuaa damlo mi pakhat hnenah Rs.10,000/-, N. Hlimena vanduaina tawk mi pakhat hnenah Rs.10,000/-, Bungtlang Bazar Venghluna damlo mi pakhat hnenah Rs.10,000/-, Bungtlang Vengsanga damlo mi pakhat hnenah Rs.10,000/- leh Zawngtetui khuaa damlo mi pakhat hnenah Rs.10,000/- pek a ni.