Vawiin (Feb. 14, 2025) khan fahrahte enkawlna Hmangaihna In, Durtlang chuan an din cham vawi 39-na lawmna hun an hmang.
He hunah hian Rev. Dr. K. Lallawmzuala, Executive Secretary i/c Hmangaihna In leh Dr. R. Lalrinhlua, DCPO ten thu an sawi a. Zaithiam pahnih Nl. R. Lalrinmawii (Arini), Leitan leh Tv. Lalsangliana, Youth Icon 2024 te an zai a, Hmangaihna In naupangte’n Special Item pathum an entir bawk.
Superintendent hnen atangin Hmangaihna In Report tlangpui ngaihthlak a ni a, report-a a lan danin Hmangaihna In hi fahrahte enkawlna atan Mizoram Synod-in February 15, 1986-ah a din a, a tirah chuan nausen pianghlim atanga kum 2 thleng an enkawl a. Hun a kal zel a, Mizoram State Child Protection Society-in pianghlim atanga kum 10 tlin thleng enkawlna leh naupang 25 awm theihna atan a rawn ti ta a, tunah hian naupang 23 an awm mek a ni. Thawktute hi Office staff 9 leh Nauawmtu (Child Attendant) 12 an awm mek a ni. Hmangaihna Inah hian a din tirh atangin naupang 643 enkawl tawh a ni.
For more Pics Click Here