MSSU
February 15, 2025 (Inrinni) khan Sunday School zirtirtu training neihpuiin MSSU Trainer-te hetiang hian an chhuak –
Bungtlang South Bialah Upa Hrilthansanga leh Upa Lalsiammawia Pachuau
Melriat Kohhranah Upa K. Zoremsanga, Upa Zionparlawma leh Upa Dr. Lalhmachhuana te an kal.
Worship
February 13-14, 2025 chhung khan Thenzawl Vengthlang Kohhranah Zai hruai Training neihpuiin Pu H. Lalrinmawia, Senior Music Instructor a kal.
February 18, 2025 (Thawhlehni) khan Dilkawn Kohhranah Zai hruai training neihpuiin Pu H. Lalrinmawia, Senior Music Instructor a kal.
Kristian Thalai Pawl
February 13-16, 2025 chhung khan Mizoram Thalai Kristian Pawl (MTKP) Inkhawmpui vawi 48-na chu Lunglawn, Lungleiah hman a ni a, Central KTP aiawhin Pu Lalruatfela, Asst. Leader leh Pu Nicholas Lalbiakzuala, committee member-te an kal, CKTP leh MTKP hi inkhawmpui lianah an inpalaitawn thin a ni. (insert pic..ktp 1,2,3)
Finance
February 15-16, 2025 chhung khan Manikbond Bialah Finance Campaign neiin campaigner-te, Upa P.C. Vanlalrova, Rev. K. Lalhmuchhuaka, Rev. T. Lalthuamliana leh Upa C. Lalbiakthanga te an kal.
Trust
February 17, 2025 (Thawhtanni) khan Mamit Pastor Quarters chei that tur en felin Pu Lalramenga Royte, J.E a kal.
February 18-20, 2025 chhung khan Synod Transit Accommodation, Lawngtlai leh N. Vanlaiphai Damdawi Veng Pastor Quarters hmunhma en leh zirchiangin Upa Thangliankhuma, A.E leh Pu Lalhriatrenga, J.E te an kal.
Mizoram Christian College (MCC)
February 13, 2025 (Ningani) khan Pi Zaii Hall, Synod Conference Centre-ah MCC thawktute leh zirlaiten nilengin ‘Retreat’ hun an hmang. Retreat-ah hian Speaker chu Upa Lalnunpuia Hrahsel, Luangmual Vengthlang a ni a, Session hniha then a ni.
Session khatna hi Dr. Ramnunmawia Pachuau, Asst. Professor, Department of Management-in a kaihruai a, Session hnihna hi Vanlalnguri Hmar, Asst. Professor, Department of Management-in a kaihruai a. Speaker hnen atangin thuchah ngaihthlak a ni.
MCC thawktute leh zirlaite hian kum tin a remchan dan angin Retreat hi an hmang thin a ni.
February 19, 2025 (Nilaini) khan Mizoram Christian College leh Govt. T. Romana College-a English Department-te chuan inremna an siam tawh angin 'Faculty Exchange' hun an hmang.
Faculty Exchange Programme-ah hian zirtirtute chuan anmahni College lo zawkah ve ve class an inlak thleng thin a, zirlaiten an hlawkpui bakah College inpawh nan a tangkai hle.
Chhim Bial Working Committee
February 13-17, 2025 chhûng khân kum 2025-2027 chhûnga a thawh khatna atan Chhim Bial Working Committee member-te chuan bial an fang a. Khawthlang tuipui Presbytery huam chhunga Bial pali - Lungsen bial, Zawlpui bial, Tlabung Chawnpui bial leh Tlabung Zodin bial chhunga Biak In leh zirna school te an tlawh a, a remchan dan ang zêlin kohhran hruaitute, school a thawktute leh evangelist te nen inkawmin, chhim biala kohhran leh rawngbawlnain hma a sawn dan turte an sawi ho a ni. Chhim working committee member-te hi 12 an ni a, tun tumah hian mi 9 an zin thei a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Airfield Vengthara damlo leh khawsak harsa chhungkaw paruk hnenah Rs.10,000/- theuh, Vawngawnzo khuaa in kang chhungkaw pakhat hnenah Rs.20,000/-, Saron venga damlo mi pakhat hnenah Rs.10,000/-, Darlawn Venghluna in kang chhungkaw pakhat hnenah Rs.10,000/-, Chhimluang khuaa khawsak harsa chhungkaw pakhat hnenah Rs.10,000/-, Durtlang Venglaia khawsak harsa chhungkaw pakhat hnenah Rs.10,000/-, Melthuma damlo mi pakhat hnena Rs.10,000/-, West Serzawl khuaa damlo mi pakhat hnenah Rs.10,000/-, N. Hlimen Vengthara damlo mi pakhat hnenah Rs.10,000/-, Kawrtethawveng South-a damlo mi pakhat hnenah Rs.10,000/-, Thingthelh khuaa damlo mi pakhat hnenah Rs.10,000/-, Phainuam khuaa damlo mi pahnih hnenah Rs.10,000/- ve ve, Serchhip Chanmari Vengthara damlo mi pakhat hnenah Rs.10,000/-, Vervek khuaa damlo mi pakhat hnenah Rs.10,000/- leh Nursery Venglaia damlo mi pakhat hnenah Rs.10,000/- pek a ni.