February 20, 2025 (Ningani) kha MSSU Day a ni a. Zosap Missionary, Zosaphluia (D.E. Jones) khan Sunday School hmasa ber chu February 20, 1898-ah Aizawlah a neihpui a ni.
A din tirh chuan Mission Bangla bula in chhe te, biak in leh sikul atana an hmanah chuan Pathianni apiangin Zosaphluia chuan chawhma lamin Khasi Kristiante Bible thu a zirtir a, chawhnu lamah Mizo Kristiante a zirtir leh a. Kum 1917 atangin Mizoram Sunday School-te chuan Indian Sunday School Union (ISSU) hnuaiah Pathian thu exam-na an nei tan a ni.
Kristian hmasate chuan Pathianni chawhma inkhawm chu Bible chang sawi rual nan te, A AW B ziak leh chhiar zir nan te leh Pathian fakna hla zir ho nan te an hmang thin a. Naupang leh puitlingin a huhovin an zir mai thin a ni. Ziak leh chhiar thiam an duh avangin Sunday Schoolah an inzirtir thin a. Mizo Kristian hmasaten ziak leh chhiar zirna atana Sunday School an hmang ang hian kum zabi 19-naah khan Wales ramah pawh Kristianten Sunday School chu ziak leh chhiar zir nan an lo hmang ve a, hma an sawnpui hle a ni.
2024 Sunday School inchhiarnaa MSSU dinhmun tlangpui chu hetiang hi a ni -