MSSU
February 21, 2025 (Zirtawpni) khan Tlangnuam Kohhranah Sunday School zirtirtu training neihpuiin Pu Lalhmunzauva Tlau, Asst. Coordinator a kal.
February 22, 2025 (Inrinni) hian Sunday School zirtirtu training neihpuiin trainer-te hetiang hian an chhuak:
Ramhlun Vengthar Kohhran - Upa B. Lalhmunliana, Upa Zohmangaiha leh Upa V. Lalrindika
Sialhawk Bial - Upa K. Vanlalnghaka leh Upa R. Vanlalhruaia
Nursery Veng Kohhran - Upa Lalthanchhunga, Upa Lalrinawma Ralte leh Upa John Lalnunthara (insert pic..mssu 2-8)
Kristian Thalai Pawl
February 20, 2025 (Ningani) khan Vaikhawtlang Branch KTP Golden Jubilee hmanpuiin Pu F. Lalremruata, Finance Secretary leh Tv. Vanlalremliana, committee member-te an kal.
February 23, 2025 (Pathianni) zan khan Bethlehem Branch KTP Diamond Jubilee hmanpuiin Central KTP hruaitute an kal a, Pu Rossi Lallawmawma, committee member-in chibai bukna sawiin Jubilee lawmpuina Memento a hlan a, Rev. H. Lalawmpuia, Leader-in thu a sawi a, Mizoram Synod Choir an zai bawk.
Finance
February 21, 2025 (Zirtawpni) khan Tanhril Vengthar Kohhranah Accounts Training neihpuiin thawktute - Upa Lalrosanga Kawlni leh Pu Lalhruaizela Ralte te an kal.
Presbyterian English School (PES)
February 23, 2025 (Pathianni) khan Lengpui Kohhran leh Model Kohhranah PES Awareness Campaign neiin Upa P.C. Vanlalhruaia, Supervisor of Schools; Pu K. Lallianzuala, Principal, Synod Higher Secondary School leh BEC Member-te, Rev. Malsawmdawngliana leh Upa Dr. Lalrinmawia te an kal.
Mizoram Christian College (MCC)
Mizoram leh Arunachal Pradesh State Day lawmna chu February 20, 2025 khan Durbar Hall, Raj Bhavan-ah hman a ni a, Mizoram Governor General (Dr.) VK Singh, PVSM, AVSM, YSM (Retd.) hova neih a ni. He huna thusawi tura sawm a nih angin Upa Dr. Tawnenga, Principal, Mizoram Christian College chuan thu a sawi a; Mizo mipuiten dan kan zawm that a tul thu te, ruihtheih thil dova tan kan lak a tul thu te, zirna lama India rama thleng sang tura tan kan lak a ngaihzia te a sawi.
He hunah hian Mizoram University leh RIPANS atangin Mizo leh Arunachal zirlaite'n hnam lam an entir a; Durbal Hall-a hun hman zawh a nih veleh Upa Dr. Tawnenga, Principal hovin MCC zirtirtute leh RIPANS zirtirtute chuan Governor te nupa nena inkawm hona an nei zui a, Governor hian a lehkhabu ziah pathum chu MCC a pe nghe nghe. State Day hmannaah hian Mizoram Christian College atangin Principal bakah zirtirtu pali leh zirlai 16 an tel.
Aizawl Municipal Corporation (AMC)-in an buatsaih Aizawl Day Inter College Quiz Competition-a tel tura sawm an nih angin Mizoram Christian College chu an tel ve a. He Quiz Copetition-ah hian MCC chu pahnihna an ni.
Elimination Round hi February 14, 2025-ah neih niin; College 12 intihsiak zingah MCC chu Final round lut turin Top 3-ah an tling a, MCC bakah hian Top 3-a tlingte chu – Govt. Mizoram Law College leh Govt. T. Romana College te an ni.
February 21, 2025 zanah Final Round intihsiakna hi IGNITE Studio, Khatla-ah neih a ni a. Final Round-ah hian Govt. Mizoram Law College leh Mizoram Christian College (MCC) te chu an points a inan avangin a chak zawk zawnna turin tie-break round neih a ni a. MCC chuan a pumpuiah pahnihna dinhmun an hauh ta a ni.
MCC aiawha Quiz Competition-a telte chu – Rohmingliana Renthlei, 4th Semester, Department of Political Science leh Henry Malsawmpuia, 4th Semester, Department of Commerce zirlaite an ni.
New Education Policy (NEP) hnuaiah Bachelor Degree zirlaiten Research an khawih tawh dawn a. Hemi denchhen hian February 25, 2025 (Thawhlehni) khan Mizoram Christian College chuan zirlaite pualin WORKSHOP on RESEARCH METHODOLOGY chu HYVE HALL-ah an buatsaih. He hunah hian Prof. Ayangbam Shyamkishor, Head of Department, Department of Political Science, MZU chu keynote speaker niin, Dr. Jospeh Lalfakzuala, Assistant Professor, Govt. T. Romana College leh Dr. T. Lianhmingsanga, Post Doctoral Fellow, ICSSR te chu Resource Person an ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Changzawl khuaa in kang chhungkaw pakhat hnenah Rs.20,000/- leh Hnahthial khuaa vanduaina tawk chhungkaw pathum hnenah Rs.24,000/- pek a ni.