Vawiin (Feb. 10, 2017) chawhnu dar 2:00 khan Synod Multipurpose Training Centre (SMTC) Lecture Hall-ah Computer result tha lawmna hun an hmang a, Rev. P.C. Pachhunga, Executive Secretary chu Khuallian a ni.
Result lawmna programme hi Programme Director Rev. Vansawma’n a kaihruai a, Upa Vanlalhuma, Office Assistant-in report a pe a, khuallian Rev. P.C. Pachhunga’n fuihna thu sawiin thilpek a hlan a. Nl. Ruthi VL Muanpuii a zai a, zanriah an kilho nghal bawk. Synod Multipurpose Training Centre-ah hian October 15, 2007 atang khan Computer (CCA) zirna kalpui a ni a, zir hun chhung hi thla 6 a ni. Govt. of Mizoram, Higher & Technical Education chuan October 13, 2014 atang khan affiliation a pe a. SMTC-ah hian batch 18, zirlai 382 in an zir chhuak tawh a ni.
January 31, 2017 khan Govt. of Mizoram, Higher & Technical Education chuan DCA 1st Semester result a tichhuak a. SMTC atangin mi 14 in an exam a, Distinction-ah an passed vek a, Top ten-ah mi 4 telin, Mizoramah topper (pakhatna) an ni bawk. Top 10 a lang te chu :
| Sn. | Hming | Pa hming | Veng/Khua | Ranking |
| 1 | Lalngaihsaka | T. Ronghinglova | Model Veng, Aizawl | 1st |
| 2 | Mariana Lalmuansangi | Sanghmingthanga | Dam Veng, Aizawl | 3rd |
| 3 | Lalruatdika | Laldinthara Hnamte | Mission Veng, Aizawl | 6th |
| 4 | Benjamin J. Malsawmdawnga | J.R. Thankhuma | Bungkawn Vengthar | 7th |