MSSU
March 1, 2025 (Inrinni) khan Sunday School zirtirtu training neihpuiin trainer-te hetiang hian an chhuak:
Buhchangphai Bialah Upa K. Zoremsanga leh Upa Lalchuailova
Maubawk Sikul Veng Kohhranah Pu Lalhmunzauva Tlau, Upa Hrilthansanga leh Upa H. Lalnghinglova te an kal.
Presbyterian English School (PES)
March 4, 2025 (Thawhlehni) khan Khawzawl Vengthar leh Khawzawl PES tlawhin Pu P.C. Vanlalhruaia, Supervisor of Schools a kal a, School Managament Committee leh Staff-te nen school hmalak zel dan tur te sawiin inkawm hona hun an hmang a ni.
Mizoram Christian College (MCC)
February 27, 2025 (Ningani) khan Mizoram University-ah ‘Workshop on Enabling Women led Development through Entrepreneurship, an initiative of State Support Mission (Niti State Workshop Series)’ neih a ni a. Workshop hi Mizoram Christian College atangin English Department leh Political Science Department-a 6th Semester zirlaite leh zirtirtuten an chhim ve a, MCC atang hian zirlai 28 leh zirtirtu pakhat an tel thei a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Tlungvel Vengthara In kang chhungkaw pahnih hnenah Rs.32,000/-, Dipucherra-a in kang chhungkaw pakhat hnenah Rs.20,000/-, Chhungte khuaa damlo mi pahnih hnenah Rs.10,000/- ve ve, Tuidam khuaa damlo mi pakhat hnenah Rs.10,000/-, Khawbel khuaa in kang chhungkaw pakhat hnenah Rs.10,000/-, N. Vanlaiphai khuaa damlo mi pakhat hnenah Rs.10,000/-, Hualngohmun khuaa daml;o mi pakhat hnenah Rs.10,000/-, Hunthar venga damlo mi pakhat hnenah Rs.10,000/-, Builum khuaa damlo mi pakhat hnenah Rs.10,000/-, Sihphir khuaa damlo mi pakhat hnenah Rs.10,000/- leh Bung Bangla-a damlo mi pakhat hnenah Rs.10,000/- pek a ni.