March 13, 2025 (Ningani) khan Mizoram Christian College-a Mizo Department buatsaih Lenbuang (Mizo Christian Literature Zirzauna), Theology leh Secular lam academician leh research scholar mi 31 te zir chianna thuziak awmna chu J.M.Lloyd Hall, Synod Office-ah Rev. V.L. Luaia Hranleh, Senior Executive Secretary, Mizoram Synod-in a tlangzarh a, Rev. V.L. Luaia Hranleh chuan MCC-in lehkhabu rotling Mizo hnam leh literature tana hlu tak tur an tichhuak thei chu achievement ropui a tlin thu a sawi a ni.
Lehkhabu tlangzarh inkhawm hi P.C. Lalngaihzuala, Head of Department, Mizo Department-in a kaihruai a. Dr. H. Laldinmawia, Assistant Professor, Pachhunga University College-in lehkhabu sawi hawnna hun hmangin secular lama zir chianna huang la luah tam lo tak, Mizo Christian Literature zir chianna leh seminar MCC-in an buatsaih leh lehkhabu a an chhuah thei chu Mizo literature huanga a hlutzia a sawi a ni. MCC Principal, Dr. Tawnenga pawhin thu sawiin, Mizo Department, MCC-in thawh hona ṭha tak nena zir chianna lehkhabu an tichhuak thei chu lawmawm a tih thu a sawi a. MCC-in zirna kawnga hmalakna hrang hrang an neih te sawiin, zirna leh Mizo hnam tana tih tur tam tak la awmah MCC chuan theihtawpa hma a lâk zel tur thu a sawi bawk.