MSSU leh Synfo tangkawpin an buatsaih, NPSS Mal zai intihsiak (Junior Department atanga Senior Department) Elimination Round chu March 13-15, 2025 chhung khan zawh fel a ni ta.
Elimination round hi Kohhran 20-ah neih niin, mi 764-in intihsiaka tel turin hming an thehlut a, chung zing atang chuan mi 68-in Elimination Round hi an paltlang a ni.
March 20 & 21, 2025-chhung hian Tuikual Presbyterian Kohhran Hall-ah Second Round neih leh a ni ang a, Top 10 thlan nghal a ni ang. March 28, 2025 (Zirtawpni) chawhma Dar 10:00-ah Top 10 intihsiakna leh a kharna hun hman a ni ang.
Intihsiaknaah hian lawmman pakhatnain Rs.70,000/-, pahnihnain Rs.50,000/- leh pathumnain Rs.30,000/- an dawng ang a, Top 10 a tlingten Rs.5,000/- theuh an dawng bawk ang.