Synod Revival Speaker-te tana buatsaih Intuaitharna hun chu March 18-21, 2025 chhung hian Youth Recreation Centre, Falkland-ah riakluta neih mek a ni a, Revival Speaker 67 an kal thei a, damlohna avangin mi pathum an tel thei lo a ni.
Intuaitharna programme hi March 18, 2025 (Thawhlehni) zan khan hawnna inkhawm neih a ni a, Synod Moderator Rev. R.C. Lalnghakliana’n Keynote Address a sawi a, hemi hunah hian Leitan Bial Zaipawl leh Nl. J. Lalruatsangi, Sihphir te an zai a ni.
Intuaitharna hun an hman chhung hian Revival Speaker-ten an rawngbawl zelna tur atana pawimawh thupui chi hrang hrang – Thlarau Thianghlim leh Kohhran, Thlarau Thianghlim leh a hnathawh, Thlarau Thianghlim a nihna leh a mizia leh, Thlarau Thianghlim leh Harhna chungchang te an zir ho a, heng thupuite hi mithiam hrang hrangten an zirtir thin a, sawi hona neih thin a ni bawk.
March 20, 2025 (Ningani) zanah kharna inkhawm neih a ni a, Rev. V.L. Luaia Hranleh, Senior Executive Secretary-in thu a sawi a, Zemabawk Bial Zaipawl an zai bawk.
Tun dinhmunah Synod Revival Speaker 70 (mipa 68 leh hmeichhia 2) an awm mek a, harsatna dang a awm a nih loh chuan Synod Revival Speaker-te puala riak luta Intuaitharna hun hi kum tin neih thin a ni.