Finance
March 18, 2025 (Thawhlehni) chhun dar 12 khan Committee Room–I, Synod Office-ah Synod Auditor’s Meet neih a ni a, he hun hi Rev. V.L. Luaia Hranleh, Senior Executive Secretary-in kaihruaiin Rev. Dr. K. Lallawmzuala, Finance Officer-in hunserh a hmang a, meet-ah hian Audit chungchanga thil pawimawh leh tul hrang hrang te sawiho a ni a. Synod Auditor-te hi mi 20 an ni.
MSSU
March 15, 2025 (Inrinni) khan Sunday School Zirtirtu training hmun 2 ah neih a ni a, Tlangnuam Vengthlang Kohhranah Upa S. Kapzathanga, Upa B. Hmingthanruala leh Upa C. Lalbiaksanga (MSSU Trainer) te an kal a, Sihphir Venghlun Kohhranah Upa Hrilthansanga, Upa Zohmangaiha leh Upa Lalliantluanga (MSSU Trainer) te an kal bawk.
Social Front
March 16, 2025 (Pathianni) khan Sateek Kohhranah Ei leh bar intodelh leh Career Guidance Seminar leh Campaign neiin campaigner-te, Rev. K. Lalchhuanawma leh Rev. Zothansanga te an kal.
March 16, 2025 (Pathianni) chawhnu khan Chanmari West Hmar Veng Naupang Chawhnu Inkhawmah Kristian Chhungkua Awareness Campaign neiin campaigner Rev. Lalbiakhluna Hauhnar, ATC a kal.
Mizoram Christian College (MCC)
March 14, 2025 (Zirtawpni) khan Irrigation & Water Resources Department, Govt. of Mizoram leh Mizoram Arts Development Society te tangkawp chuan ‘28th International Day of Action for Rivers’ pualin College zirlaite tan Painting Competition a buatsaih a, thupui (theme) atan hian “Our Rivers, Our Future” tih hman a ni.
He Painting Competition-ah hian College hrang hrang atangin mi 32 an tel a, Mizoram Christian College atanga tel R. Lalfakzuala, 2nd Semester, Department of Public Administration chu pathumna a ni.
Worship
March 19-20, 2025 chhung hian Chhiahtlang Kawn Veng Bial leh Chhiahtlang Venghlun Kohhranah Zai hruai training neihpuiin Pu H. Lalrinmawia, Senior Music Instructor a kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Darlung khuaa vanduaina tawk chhungkaw pakhat hnenah Rs.10,000/-, Sakawrdai Chhim venga damlo mi pakhat hnenah Rs.10,000/-, Ramthar Tlangvenga damlo mi pakhat hnenah Rs.10,000/- leh Phainuam khuaa damlo mi pakhat hnenah Rs.10,000/- pek a ni.
February thla chhunga harsatna hrang hrang tawkte hnena Synod Relief Fund atanga chhawmdawlna sem zat chu Rs.5,56,000/- a ni.