Vawiin (March 21, 2025) chawhnu dar 2 khan Missionary Training College Chapel, Mission Vengthlangah 24th Batch Short Course Missionary Training Graduation cum Farewell programme hman a ni.
Programme hi Rev. Dr. C. Lalramchhana, MTC Principal-in kaihruaiin inlawmna leh inhmelhriattirna hun a hmang a, Rev. H. Vanlalhriata, Dean of Training-in training report a pe a. Rev. Dr. Rosiamliana Tochhawng, Executive Secretary i/c Mission-in Certificate semin thuchah a sawi. Upa R.K. Ramherliana, Asst. Professor-in inthlahna thu a sawi a, Ms. V.L. Thanpuii Chawngthu, Asst. Professor-in inthlahna thilpek a hlan bawk.
Nl. Zoramchhani hnen atangin fakna hla ngaihthlak a ni a, Rev. Zaithanmawia Pachuau, Asst. Professor-in trainee-te tawngtaisakna hun a hmang bawk. Trainee aiawhin Pu H. Lalneihthanga leh MTC Student Body President Lalnuntluanga Kawlni ten thu an sawi a, a duh apiang tan thusawina hun hawn a ni a, Rev. Lalfakawma, Chaplain-in malsawmnain programme a khar a ni.
Tun tumah hian trainee mipa 11 leh hmeichhia 10, an vaiin mi 21 an ni a, Field hrang hranga hna hrang hrang - Craft Teacher, Evangelist Teacher, Evangelist, Office Assistant leh Health Worker hna thawk mek te an ni.