MSSU
March 29, 2025 (Inrinni) khan Sunday School Zirtirtu training neihpuiin Trainer-te hetiang hian an chhuak:
Edenthar Vengchhak Kohhranah Upa B. Lalhmunliana, Upa Zohmangaiha leh Upa Isak Zarzoliana Chhangte
Chhinga Veng Kohhranah Upa C. Lalbiaksanga, Upa K. Zoremsanga leh Upa Lalsiammawia Pachuau
SL&PB
March 29, 2025 (Inrinni) zan khan Luangmual Vengthlang Kohhranah Literature Campaign neiin Rev. Dr. K. Lallawmzuala, Executive Secretary a kal.
March 29-30, 2025 chhung khan Mamit Kohhranah Literature Campaign neiin Rev. PB Zosapthara, Editor; Pi Rinsailovi, Asst. Editor leh Upa R. Lallianzuala, Committee Member-te an kal.
Kristian Thalai Pawl
March 29, 2025 (Inrinni) khan Rawpuichhip Bial, KTP Leadership Training hmanpuiin committee member-te, Nl. F. Lallianzuali leh Pu H. Zosangliana te an kal.
March 28, 2025 (Zirtawpni) khan Ruantlang Bial, Ruihhlo Do Awareness Campaign hmanpuiin Pu C. Lalkhawngaiha, Asst. Secretary leh Pu David Lalruatfela, committee member-te an kal.
March 28-30, 2025 chhung khan Kristian Thalai Pawl, Thentlang Branch Golden Jubilee lawmna hmanpuiin Pu Lalruatfela, Asst. Leader leh T.Upa Lalremsiama Khiangte, committee member-te an kal.
Mizoram Christian College (MCC)
State Level Viksit Bharat Youth Parliament Public Speaking Competition neih zawh takah MCC atanga tel Angela Vanlalduhsaki, 6th Semester, Department of English chu pakhatna a ni a. April 2, 2025-a National Level intihsiakna Delhi-a neihah Angela Vanlalduhsaki hi Mizoram State aiawhin a inlan leh a ni.
March 27, 2025 khan ‘World Theatre Day’ pualin MCC English leh Mizo Department-te chuan College-ah hun an hmang a. He hunah hian Mizote zinga lemchan lam leh fiamthu lama sultutu hmasa Pu Salemthara Pachuau; ‘Mizo Charlie Chaplin’ tia hriat thin chuan hun a hmang a, a tawnhriat atanga zirlaite fuihna thu tha tak tak a sawi bakah Pathian thuchah tha tak a sawi bawk.
Planning & Programme Implementation Department, Govt. of Mizoram-in a buatsaih CM Bana Kaih Innovation Challenge chu March 26, 2025 (Nilaini) khan Vanapa Hall-ah intihsiakna neih a ni a; March 28, 2025 (Zirtawpni) khan result puan a ni.
CM Bana Kaih Innovation Challenge-ah hian Component pali a awm a, chung zinga pakhat Higher Educational Institutes Local Immersion Challenge-ah hian Mizoram Sawrkar, Central leh Private hnuaia College hrang hrang 26 intihsiak zingah Mizoram Christian College chu Pahnihna a ni.
MCC chuan Local Immersion neih nan hian Hortoki khua a chang a, Hortoki khua hi Hatkora ching nasa an ni a, Hatkora an thar chhuahte chu hlawk zawk leh awmze nei zawka an hralh theihna turin Project hi siamsak an ni a, Project hming chu ‘Rebranding Hatkora in Hortoki Village’ tih a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Airfield Venga damlo leh khawsak harsa chhungkaw paruk hnenah Rs.10,000/- theuh, Tualte khuaa damlo mi pahnih hnenah Rs.10,000/- ve ve, Sairang Dinthar damlo mi pahnih hnenah Rs.10,000/- ve ve, Thinglian khuaa damlo mi pahnih hnenah Rs.10,000/- ve ve, Pehlawn khuaa damlo mi pakhat hnenah Rs.10,000/- ve ve, East Phaileng khuaa damlo mi pakhat hnenah Rs.10,000/-, Kawlkulh khuaa damlo mi pakhat hnenah Rs.10,000/- leh Buhban khuaa damlo mi pakhat hnenah Rs.10,000/- pek a ni.