Vawiin (April 8, 2025) khan Synod Lay Pensioner Fellowship (SLPF) ten Annual General Body meeting, vawi 8-na Pi Zaii Hall, Synod Conference Centre-ah an hmang.
Meeting hi hun hnihah then a ni a, hun khatna hi chawhma dar 10:30-ah tan niin Dr. Vanlalruata, Vice Chairman-in a kaihruai a, Pi Lalengzami, Upper Republic-in hunserh a hmang a, Rev. V.L. Luaia Hranleh, Senior Executive Secretary-in thu a sawi a ni. Upa Malsawmdawngliana, Chaltlang-in member thar mi 56 te lawmna leh fuihna hun a hmang a, Upa Khalhliana Ralte, Muanna Vengin tawngtaisak hun a hmang a. Chawhma hunah hian 2025-2027 chhunga SLPF hruaitu tur thlanna neih a ni a, an member Chatuan ram pan mi panga te sunna hun an hmang bawk.
Chawhnu hi Upa F. Lalremthanga, Chairman-in a kaihruai a, report pahnih – Secretary leh Treasurer report ngaihthlak a ni a, hruaitu thar pawmna leh hlanna Upa R. Lalmalsawma, Mission vengin a hmang a ni. Tun dinhmunah SLPF-ah hian member 426 an awm mek a, ram chhung leh ram pawnah te an awm hlawm a ni.
Hruaitu tharte chu:
Chairman - Dr. Vanlalruata
V. Chairman - Upa F. Lalsangliana
Secretary - Upa P.C. Sangluaia
Asst. Secretary - Upa P.C. Vanlalrova
Treasurer - Upa Lalvena Hnamte
Fin. Secretary - Pu C. Kapthanga