Kristian Thalai Pawl
April 1-3, 2025 chhung khan Siliguri-ah Herbertpur Christian Hospital Society-in Seminar a buatsaihah committee member-te, Pu Lalrambuatsaiha leh Pu H. Zosangliana te an kal.
April 2-4, 2025 chhung khan Sesih Branch KTP Diamond Jubilee hmanpuiin committee member-te, Tv. P.C. Lalthanmawia leh Pu K. Vanlalremruata te an kal.
MSSU
April 5, 2025 (Inrinni) khan Sunday School Zirtirtu training neihpuiin Trainer-te hetiang hian an chhuak:
Nisapui Bialah Upa K. Vanlalnghaka leh Upa B. Hmingthanruala
Kanhmun Bialah Upa K. Zoremsanga leh Upa R. Vanlalhruaia
Ramhlun Venglai Kohhranah Upa Hrilthansanga, Upa Lalrinawma Ralte leh Upa John Lalnunthara.
Social Front
April 5, 2025 (Inrinni) khan Kawnpui Hmar Veng Kohhranah Ramngaw, nungcha leh tuihna humhalh Seminar leh Awareness Campaign neiin Dr. Lalbiakmawia Ngente a kal.
April 6, 2025 (Pathianni) khan Maubuang Kohhranah Pianpun Awarenesss Campaign neiin Upa H. Lalhmingmawia, campaigner a kal.
April 6, 2025 (Pathianni) khan Chanmari West Hmarveng Kohhranah Ruihhlo laka invenna leh HIV/AIDS Awareness Campaign neiin Nl. C. Lalchhuanzuali, campaigner a kal.
Worship
April 5, 2025 (Inrinni) khan Lily Veng Kohhranah Zai hruai training neihpuiin Pu Benjamin Sailo, Music Instructor a kal.
April 9-10, 2025 chhung khan Khuangthing leh Khawbung Kohhranah te Zai hruai training neihpuiin Pu H. Lalrinmawia, Senior Music Instructor a kal.
Trust
April 8-9, 2025 chhung khan W. Phaileng, Damparengpui leh Rengdilah te Pastor Quarters fencing siam tur leh building zauh tur en felin Pu Lalramenga Royte, J.E. a kal.
April 9-10, 2025 chhung khan Khuangleng South Pastor Quarters hmunhma en felin Pu Lalhriatrenga, J.E leh Tv. V. Lalhlimpuia, J.E te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Khanthuam khuaa damlo mi pahnih hnenah Rs.10,000/- ve ve, Darlak khuaa khawsak harsa chhungkaw pahnih hnenah Rs.10,000/- ve ve, Nalzawl khuaa damlo mi pahnih hnenah Rs.10,000/- ve ve, Tuithaveng, Kolasib-a vanduaina tawkna chhungkaw pakhat hnenah Rs.15,000/-, Kepran khuaa khawsak harsa chhungkaw pakhat hnenah Rs.10,000/-, Thenzawl Chhimvenga damlo mi pakhat hnenah Rs.10,000/-, Bawngva khuaa damlo mi pakhat hnenah Rs.10,000/-, Saipuilui khuaa khawsak harsa chhungkaw pakhat hnenah Rs.10,000/-, Chhiahtlang Chanmari-a damlo mi pakhat hnenah Rs.10,000/-, Kelsih khuaa khawsak harsa chhungkaw pakhat hnenah Rs.10,000/- leh West Phaileng Electric Venga khawsak harsa chhungkaw pakhat hnenah Rs.10,000/- pek a ni.