Vawiin (April 13, 2025) hi Tumkau Ni a ni a, Tumkau Ni hi Isua ropui taka Jerusalem a luh hriatrengna atana hman thin a ni. Lal Isua chawimawiin naupangten tumkau kengin kawng an zawh thin a, hmanlaiin tumkau hi thatna leh hnehna entirnan an hmang thin a ni.
Kum 1998 Synod chuan Tumkau ni hi Nilai leh Beihrual Thupui Bu-a tihlan thin turin a rel a. Chu thu chu bawhzuiin SEC chuan Sunday School tibuai lova inkhawm tum khat buatsaih thin turin a ti a. Kum 2007 atang erawh chuan inkhawm tum hnih buatsaih thin a ni ta a ni. Kum 2022 Synod Inkhawmpui chuan Tumkau Ni chawhma inkhawm hi 2024 atangin Sunday School awm lovin Tumkau Ni programme-a hman ni rawh se, tiin a rel a ni.
Tumkau Ni programme-ah chawhma, chawhnu leh zan inkhawm atan thupui hetiang hian siam a ni:
Chawhma Inkhawm:
Thupui : 'Lalpan a duh a ni'
Chhiar tur : Matthaia 21:1-5
Chawhnu Inkhawm:
Thupui : 'Hosanna'
Chhiar tur : Sam 118:25-26; Marka 11:7-10
Zan Inkhawm:
Thupui : 'Krista chawimawina kawng'
Chhiar tur : Johana 17:1-5; Philippi 2:5-11