Vawiin (April 15, 2025) khan Missionary Training College (MTC) chuan Bachelor of Missiology (B.Miss.) zir zo mi 13 te thlahna hun (Graduation Service) vawi 13-na, Golden Jubilee Hall, Mission Vengthlang Kohhranah an hmang.
Programme hi chawhnu dar 2:00-ah tan a ni a, Rev. Dr. C. Lalramchhana, Principal MTC-in inlawmna leh inhmelhriattirna hun a hmang a. Synod Moderator Rev. R. C. Lalnghakliana’n College Magazine a tlangzarh bakah Graduation Day thuchah a sawi. Rev. V.L. Luaia Hranleh, Senior Executive Secretary-in zirchhuakte hnenah Certificate a hlan a, Rev. Dr. Rosiamliana Tochhawng, Executive Secretary i/c Mission-in zirlaite hnenah lawmman chi hrang hrang a sem a, Synod Choir te tum hnih an zai bawk. Upa Vanlalsawma Siakeng, Synod Secretary-in zir chhuakte tawngtaisakna hun a hmang a, Rev. Dr. Tlanghmingthanga, ATC Principal-in malsawmnain programme a khar a ni.
Zirlai titha lawmman (College Awards 2025) hetiang hian hlan an ni:
1) R. Dala Award for Biblical Studies – Merina Lalrinpuii
2) Rohmingthangi Award for Theological Studies – Lalnuntluanga Kawlni
3) Tirhkoh Chhingtei Award for Mission & Historical Studies – Lalnuntluanga Kawlni
4) M. Suaka Award for Religious and Cultural Studies – Lalnuntluanga Kawlni
5) Rev. Dr. Lalsawma Award for Language Studies- Lalnuntluanga Kawlni
6) Upa Thangkima Ralte Award for Field Work & Project – Lalnuntluanga Kawlni
7) Lalbiakchhungi Award for Academic Excellence - Lalnuntluanga Kawlni
8) Tirhkoh Thangzawna Award for Christian Ministry – Francis Lalhmingthanga
9) Robuanga Award for Best Outgoing Student – Lalnuntluanga Kawlni
Missionary Training College hi kum 1978 khan Missionary Training Department tiin Aizawl Theological College-ah bul tan a ni a. Kum 1996 atang khan Aizawl Theological College (ATC), Durtlanga sawn chhoh a nih hnuin Synod Multipurpose Training Centre (SMTC) nen a kal kawp leh a, chumi hnuah chuan Synod Multipurpose Training Centre (SMTC) atangin lak hran niin Missionary Training Centre tih a lo ni ta a. Kum 2007 Synod chuan College-a hlan kai a remti a, Synod thurel angin June 4, 2010 khan Missionary Training College (MTC) chu a lo piang ta a, Senate of Serampore College hnuaiah chuan B.Miss zirna hmasa ber a ni. MTC-ah hian B. Miss zirna bakah missionary training chi hrang hrang neihpui thin a ni bawk.
For more Pics Click Here