Kristian Thalai Pawl
April 10, 2025 (Ningani) khan Serchhip Pastor Bial Leadership Training hmanpuiin committee member-te, Upa T.C. Lalremsiama leh Tv. Lalrinsanga Varte te an kal.
MSSU
April 12, 2025 (Inrinni) khan Sunday School Zirtirtu training neihpuiin Trainer-te hetiang hian an chhuak:
Phullen Vengthar Bialah Upa B. Lalhmunliana leh Upa S. Kapzathanga
Ramhlun Kohhranah Upa Lalthanchhunga,Upa Zionparlawma leh Upa Danny Lalremmawia
Maubawk Kohhranah Upa K. Vanlalnghaka, Upa C. Lalbiaksanga leh T.Upa B. Malsawmtluanga
Phunchawng Kohhranah Upa K. Zoremsanga leh Upa R. Vanlalhruaia.
Synod Service Board
April 16, 2025 (Nilaini) khan Committee Room-I, Synod Office-ah Synod Service Board-in Synod hnuaia thawktu a lak thar, mi 15 te pualin Orientation a buatsaih. Orientation-ah hian thupui chi hrang hrang – Communication Skills, Synod hnuaia thawktute tih tur leh mawhphurhna, Synod Service Rules, Synod Sum Vawn Dan tih te leh rawngbawlna atana thil tul leh pawimawh hrang hrangte mi thiamten an zirtir a ni.
Campus Ministry
April 14-16, 2025 chhung khan Lengte Higher Secondary School Gospel Week leh infuihtharna hun hmanpuiin Rev. H. L. Thianghlima, Director; Tv. Lalrinchhana, Counsellor leh Resource Person-te, Upa K. Lalengzama leh Pu Joel Lalbiakkima te an kal a. Gospel week hi ni 3 chhung neih a ni a, Salvation Army, Lengte Society Biak Inah hman a ni.
Worship
April 15-16, 2025 chhung khan Rullam Kohhran leh Lungpho Kohhranah te Zai hruai training neihpuiin Tv. H. Lalthazuala, Music Instructor leh Tv. Lalrorelkima, trainer-te an kal.
Mizoram Christian College (MCC)
April 11, 2025 (Zirtawpni) khan Department of Management, MCC chuan ‘Industrial Visit’ neiin hun an hmang a, LAILEN Consulting Pvt. Ltd. chu a hmunah an tlawh. He hunah hian Management zirlaite chuan LAILEN Consulting Pvt. Ltd.-a an hnathawh dan te, an thil siam chhuah dan leh thil hrang hrang a hmunah an zir a, hei hi an zir lai atan thil pawimawh tak a ni a, an hlawkpui hle a ni.
Presbyterian English School (PES)
April 14-16, 2025 chhung khan Siaha PES, Hnahthial PES leh Bungtlang Bazar PES te tlawhin Pu P.C. Vanlalhruaia, Supervisor of Schools a kal.