1. Kum 2025 atan admission chungchang :
Kum 2025-2026 Academic Session thar atan April 23, 2025 atangin admission tih theih a ni dawn a, admission dil hmasa apiang duhsak an ni ang. MCC-a zir tumte chuan College website www.mizoramchristiancollege.edu.in-ah ngaihven theih a ni a. Tin, hriat chian duh nei tan Lalrinzuala (Ph: 9612568456) hnenah zawh fiah theih a ni bawk. Pawl 12 pass tawh tan admission hi a tih theih reng a, result nghak mek tan pawh Provisional admission tih theih a ni.
2. MCC-a Subject lak theih leh Fees :
B.A. zir duh tan English, Mizo, Political Science, Public Administration, Sociology subject a awm a, Bachelor of Commerce (B.Com) leh Bachelor of Business Administration (BBA) te a zir theih bawk. Thla tin Tuition Fee hi - BA zirlai tan Rs.2,000/, B.Com leh BBA zirlai tan Rs.3,000/- a ni.
3. Tuition Fee awl theih dan :
Class-12 result-a 80% marks hmu chinte chu 1st Semester an zir chhungin Tuition Fee awl an ni ang a, Class-12 result-a 75-79.9% marks hmute chu 1st Semester an zir chhungin 50% Tuition Fee awl an ni bawk ang.
Hei bakah hian MCC zirlaite chu Semester Exam-a SGPA 9 leh a chung lam mark hmute chu Tuition Fee pum pui awl an ni ang a; tin, SGPA 8 - 8.9 hmu chinte pawh Tuition Fee a chanve awl an ni ang.
Kohhran emaw, Kohhran Hmeichhia, KTP, Kohhran Pavalai Pawl, Pawl leh mi mal ang pawhin MCC zirlaite hi an Tuition Fee Semester khat chhung zel pek saka sponsor theih an ni.
4. University Results :
Mizoram University Under Graduate Exam Result chhuak hnuhnung ber Even Semester 2024-ah khan MCC chuan result tha tak kan nei a. University Top 10 rank holders hi mi pathum kan nei. Chungte chu - Public Administration Department-ah pakhatna (Gold Medallist), English Department-ah pathumna leh Sociology Department-ah pangana te kan hauh a ni.
Sd/-
Upa Dr. Tawnenga
Principal
Mizoram Christian College