April 18, 2025 (Zirtawpni) hi Good Friday a ni a, April 17, 2025 (Maundy Thursday) atangin Good Friday Programme hman tan a ni ang a, Maundy Thursday zanah hian Synod puipate Sakramen thehin hetiang hian an kal chhuak ang.
Rev. R.C. Lalnghakliana, Moderator - Armed Veng Kohhran
Rev. B. Zohmangaiha, Synod Secretary (Jr.) - Maubawk Kohhran
Rev. Dr. K. Lallawmzuala, Finance Officer - Ramthar North Kohhran
Rev. Vanlalzuata, Finance Officer - Chawlhhmun North Kohhran
Rev. V.L. Luaia Hranleh, Senior Exe. Secretary - Bethlehem Kohhran
Rev. Dr. Rosiamliana Tochhawng, Exe. Secretary - Sihphir Venglai Kohhran
Good Friday leh Easter Sunday programme-ah thupui inang tlang hetiang hian zir ho a ni ang.
Good Friday:
Maundy Thursday (April 17, 2025):
Thupui : Thihna khawp hiala lungngaihna Isuan a phur
Chhiar tur : Matthaia 26:36-39
Good Friday (April 18, 2025):
Chawhma Inkhawm
Thupui : Isua chunga rorelna
Chhiar tur : Matthaia 26:65-68; Johana 19:12-16
Chawhnu Inkhawm
Thupui : Pathian kalsan nun
Chhiar tur : Marka 15:33-39
Zan Inkhawm
Thupui : A thihna chu kan thihna
Chhiar tur : Isaia 53:4-6; Rom 6:1-8; Galatia 2:20
Easter Sunday (April 20, 2025):
Chawhma inkhawm
Thupui : Krista, an khen beha kha a tho leh ta
Chhiar tur : Tirhkohte 3:14-15, I Korinth 15:3-9
Chawhnu Inkhawm
Thupui : Thawh lehna - tunah leh nakinah
Chhiar tur : Philippi 3:8-11
Zan Inkhawm
Thupui : Thawh lehna thuhretute kan ni
Chhiar tur : Tirhkohte 2:32-36
Good Friday leh Easter Sunday hi Krismas anga a ni ngai hman a ni lo va, a chhan chu Lal Isua thih hun lai hi Judate Kalhlen Kut hman lai vel Nisan ni 14 vel a ni a, chu chu March thla chawhnu lam, March 20 hnu, April 25 hma lam si, thla bial lai a ni a. Chuvangin tun thleng hian Good Friday hun hi March 20 leh April 25 inkara thla bial lai, zirtawpni apiangin hman a ni ta zel a ni. Easter Sunday atanga chhuta ni 50-na chu Pentikos ni a ni. Thla bial lai chhuta a hun leh ni ruat thin a nih avangin heng ni pawimawh te hi a hun leh ni a danglam deuh hret hret thin a ni.